Ezekiel 15 - Papiamentu Bible with DC 2013(PBDC13)

Herusalèm ta un mata di wendrùif ku no ta sirbi pa nada

1SEÑOR a dirigí palabra na mi:

2‘Hende, palu di e mata di wendrùif ta mihó ku kualke palu di e palunan den boske?

3Akaso por traha algu di e palu ei? Por traha maske ta un pènchi di dje pa kologá algu n'e?

4Ta kandela so por pega kuné. I ora e puntanan a kima kaba i e parti meimei tambe ta afektá, e ta sirbi pa algu ainda?

5Asta dia e tabata hinté ainda no por a traha nada di dje; kuantu ménos ora kandela a kim'é kaba kuné i e ta flamá. Por traha algu di dje e ora ei ainda?

6Esaki ta loke Ami, SEÑOR Dios, ta bisa: Di tur e palunan Mi ta tira e palu di mata di wendrùif den kandela. I Mi ta trata e habitantenan di Herusalèm meskos asina.

7Mi ta bai kontra nan; ounke nan a skapa for di e kandela, tòg kandela lo kaba ku nan. I boso lo rekonosé ku Ami ta SEÑOR, ora Mi bai kontra nan

8i hasi un desierto di e pais, pasobra nan a bira lomba pa Mi. Esaki ta loke Ami, SEÑOR Dios, ta bisa.’