Salmo 61 - Papiamentu Bible with DC 2013(PBDC13)

SALMO 61Mi ta leu fo'i Bo, SEÑOR, trese mi bèk serka BoPa maestro di kanto. Ku kompañamentu di instrumèntnan di kuèrdè. Di David.

1O Dios, tende mi gritu,

paga tinu na mi súplika.

2Fo'i rant di mundu mi ta sklama na Bo,

mi kurason ta kai.

Abo hiba mi na e baranka

muchu altu pa mi so,

3pa motibu ku Bo ta mi refugio,

un bastion kontra enemigu.

4Laga mi biba pa semper den bo kas

i skonde bou 'i bo alanan.

5Abo, Dios, a skucha mi promesanan,

B'a duna mi e tera

ku ta toka esnan ku ta honra Bo.

6Duna rei hopi aña mas di bida;

ku su bida por dura

generashonnan tras di otro.

7Mare e por reina pa semper

den presensia di Dios;

laga bo bondat i fieldat

ta su protekshon.

8E ora ei lo mi kanta pa semper

alabansa di bo nòmber

i lo mi kumpli dia aden dia afó

ku mi promesanan.