Sirag 47 - Papiamentu Bible with DC 2013(PBDC13)

1Den tempu di David, Natan

6P'esei nan a honr'é pa 10.000

i elogi'é pa e bendishonnan di Señor,

miéntras nan tabata ofres'é un korona di honor.

7Pasobra el a aplastá e enemigunan di tur banda

i destruí su atversarionan, e filisteonan,

kibra nan poder te dia djawe.

8Den tur su obranan e tabata honra

Esun Santu, e Altísimo,

ku palabranan di alabansa.

Di henter su kurason, el a kanta su himnonan

pa mustra su amor pa su Kreador.

9El a pone kantornan dilanti di altá

pa laga kantikanan bunita resoná.

10El a animá e fiestanan,

i duna dianan di fiesta grandi un bunitesa kompleto;

e ora ei nan tabata alabá nòmber santu di Señor,

mainta trempan ya kanto tabata resoná den santuario.

11Señor a kita su pikánan

i dun'é poder pa semper;

Señor a sera un aliansa real kuné

i a establesé un trono glorioso p'e den Israel.Salomon

12E yu hòmber sabí ku a sigui David

a biba den tur trankilidat, grásias na David.

13Salomon a bira rei den un tempu di pas.

Dios a dun'é trankilidat na tur parti

p'e konstruí un tèmpel pa Señor,

traha un santuario pa semper.

14Esta sabí bo tabata den bo hubentut:

manera riu Nilo, rebosante di sabiduria!

15Bo spiritu a kubri tera

i a yen'é ku proverbio ingenioso.

16Bo nòmber a yega te na islanan leu,

i bo tabata stimá pa bo pas.

17Pueblonan a keda asombrá

pa bo kantika-, proverbio-, komparashon- i splikashonnan.

18Den nòmber di Señor Dios,

di Esun ku yama Dios di Israel,

bo a kolekshoná oro manera staña,

montoná plata manera chumbu.

19Pero bo a drumi banda di muhénan

i duna nan dominio riba bo kurpa;

20bo a mancha bo honor, profaná bo kama,

i asina yama desgrasia riba bo famia

i kastigu riba bo desendientenan.

21E reino a sker na dos

i for di Efraim a sali un kas real rebelde.

22Sinembargo Dios no ta kita su amor

ni ta keda sin kumpli ku loke El a primintí.

E no ta destruí desendientenan di esun ku El a skohe,

E no ta kaba ku yunan di esun ku ta stim'É.

El a duna Yakob un parti ku a sobra

i a laga pa David rais di su tronkon.Ta parti e reino na dos

23Salomon a muri na edat altu,

su yu hòmber ku a siguié

tabata baké den hasimentu di kos di bobo

i pober na sintí:

Rehabeam ku su mal konseho

a trese un kiebro den e pueblo.

24E ora ei Yerobeam, yu di Nebat, a bini

ku a pone Israel peka.

El a hiba e hendenan di Efraim riba kaminda di piká.

Nan pikánan a bira asina tantu

te ku e pikánan akí a kore ku nan for di e pais.

25Nan a entregá nan mes na tur loke tabata malu,

te dia kastigu a kai riba nan.