1E Melkisedèk akí tabata rei di Shalem i saserdote di Dios Altísimo. Ora Abraham a bini bèk despues di su viktoria riba e reinan, Melkisedèk a sali pa risibí Abraham i bendishon'é.
2Abraham a duna Melkisedèk un désimo parti di tur loke el a kita for di e reinan.
18A abolí e preskripshon eksistente pasobra e tabata inútil i sin forsa:
19E lei no a hiba na perfekshon. Na lugá di esei a bini speransa pa algu mihó, un speransa ku ta hiba nos mas serka Dios.
20I esaki ta tuma lugá ku un huramentu solèm. No tabatin huramentu ora e otronan a bira saserdote,
21pero Hesus a bira saserdote ku un huramentu ku Dios a hasi n'E, ora El a bisa:
‘Señor a hura — l'E no kibra su palabra —:
“Lo Bo ta saserdote pa semper.” ’
22E diferensia akí ta pone ku Hesus ta para bòrg pa un aliansa ku ta mihó ku esaya.
23Tin un diferensia mas: den saserdosio levítiko kada be otro hende mester a bira saserdote, pasobra morto tabata stroba nan di keda komo saserdote.
24Pero komo Hesus ta keda biba semper, su ofisio saserdotal no ta pasa pa ningun otro hende.
25P'esei pa semper E por salba esnan ku ta aserká Dios pa medio di djE, pasobra E ta biba pa semper pa boga pa nan serka Dios.
26Asina anto, Hesus ta presisamente e gransaserdote ku nos tabatin mester. E ta santu, sin maldat i sin mancha, saká fo'i meimei di pekadó i poné mas altu ku shelu.
27Tampoko E no tin mester di ofresé sakrifisio kada dia di nobo, promé pa su mes pikánan i despues pa esunnan di e pueblo, meskos ku e gransaserdotenan,Levítiko 9:7 pasobra El a hasi esaki un bia i pa semper, dia El a sakrifiká su mes.
28Lei di Moises ta nombra hende imperfekto komo gransaserdote; pero Dios su huramentu, ku a tuma lugá despues di lei, ta nombra su Yu gransaserdote, kende ku pa semper kaba a yega na perfekshon.
Who We AreWhat We EelieveWhat We Do
2025 by iamachristian.org,Inc All rights reserved.
