Predikador 3 - Papiamentu Bible with DC 2013(PBDC13)

Tur kos tin su tempu

1Tur kos tin su ora i su tempu, tur kos aki na mundu:

2ora pa nase i ora pa muri,

ora pa planta i ora pa koba saka fo'i tera,

3ora pa mata hende i ora pa kura,

ora pa basha abou i ora pa konstruí,

4ora pa yora i ora pa hari,

ora pa tene luto i ora pa balia,

5ora pa plama piedra i ora pa pone nan huntu,

ora pa brasa otro i ora pa kita fo'i otro,

6ora pa buska i ora pa resigná,

ora pa warda kos i ora pa tira kos afó,

7ora pa sker kibra i ora pa drecha,

ora pa keda ketu i ora pa papia,

8ora pa stima i ora pa odia,

ora pa guera i ora pa pas.

9Kiko hende ta gana ku matament'i kurpa?

10Mi a mira e tarea pisá ku Dios a duna hende pa mata kurpa kuné.

11Ta un smak pa mira kon tur tur kos ta tuma lugá na su debido tempu. Dios a duna hende tambe un gana fuerte di sinta pensa riba tempu i riba loke ta pasa den e tempu ei. Pero tòg asina mes hende no por saka afó kiko Dios a hasi for di kuminsamentu te na final.

22Asina mi a mira ku no tin nada mihó pa hende ku gosa di su trabou, pasobra ta esei ta su destino. Pasobra ken por bis'é kiko ta sosodé ora e no t'ei mas?