1“Tende bon di SEÑOR, boso Dios, i kumpli kuidadosamente ku e mandamentunan ku mi ta duna boso awe, e ora ei SEÑOR, boso Dios, lo alsa boso riba tur nashon na mundu.
2Tur e siguiente bendishonnan
58Si boso no kumpli kuidadosamente ku e mandamentunan di e lei notá den e buki akí i boso no tin rèspèt di e nòmber glorioso i imponente di SEÑOR, boso Dios,
59e ora ei lo E kastigá boso i boso desendientenan pisá, duradero i sigur ku desaster i malesa horibel na un manera ku boso no por imaginá boso.
60Boso lo haña tur e malesanan tèrko ku a pone boso tembla di miedu na Egipto.
61SEÑOR lo laga boso haña tambe malesa i enfermedat ku no ta skibí den e buki di lei akí, te ora boso keda destruí.
62Un tempu boso tabata numeroso manera strea na shelu, e ora ei un kantidat chikitu so lo sobrebibí, pasobra boso no a tende di SEÑOR, boso Dios.
63Meskos ku hasi bon pa boso i hasi boso numeroso a agradá SEÑOR, asina ruiná boso i kaba ku boso lo agradá SEÑOR. Lo E ranka saka boso for di e pais ku boso ta bai tuma pa boso.
64SEÑOR lo plama boso den tur nashon na mundu, di un ekstremo pa otro; aya boso lo sirbi otro dios ku ni boso ni boso antepasadonan no a konosé, dios trahá di palu i di piedra.
65Boso lo no haña sosiegu serka e nashonnan ei, ningun lugá pa boso keda. SEÑOR lo perkurá pa kontinuamente boso biba ku miedu i ta serka di muri di nostalgia.
66Kontinuamente boso bida lo ta kologá na un hilu; di dia i anochi boso lo spanta bula lanta i boso lo no ta sigur di boso bida.
67Mainta boso lo bisa: ‘Mare tabata nochi’, i anochi: ‘Mare tabata mainta’, asina yen di miedu boso lo ta i boso lo pasa den kos mashá horibel.
68SEÑOR lo hiba boso Egipto bèk via laman, ounke El a bisa ku boso lo no mira e pais ei nunka mas bèk. Aya boso lo ke bende boso mes komo katibu, pero lo no tin ningun hende ku ke kumpra boso.”’
Who We AreWhat We EelieveWhat We Do
2025 by iamachristian.org,Inc All rights reserved.
