1Pa medio di sabiduria e promé hendenan, resien kreá, orígen di e género humano, a keda salbá. El a lant'é for di su kaida
2i a dun'é poder pa goberná kreashon.
3Enkambio, un mal hende, Kain, dominá pa su ira a bira lomba pa sabiduria i den su odio a mata su ruman. Asina el a destruí su mes.
5Tempu e nashonnan a uni pa hasi maldat i nan lenga a bruha,
6Dia Dios a kaba ku e perversonan, sabiduria a libra Lòt, un otro hòmber hustu, for di e kandela ku a kai riba e sinku siudatnan.Salbashon i kastigu durante salida for di Egipto(Sabiduria 10:15—19:22)
15Sabiduria a libra bo pueblo santu, bo hendenan ireprochabel, for di e nashon ku tabata oprimí nan.Éksodo 1:1—15:21
16El a drenta den alma di Moises, bo sirbidó, i a resistí fárao ku milager- i señalnan temibel.
17Sabiduria a regalá bo pueblo santu tesoronan balioso komo rekompensa pa nan sufrimentu i a kondusí nan riba un kaminda maravioso; den dia e tabata duna nan sombra i anochi e tabata manera lus di strea.
18El a kondusí nan den Laman Kòrá i a pasa nan den tur e awa ei.
19Nan enemigunan enkambio el a hundi i a bolbe benta nan for di profundidat di abismo.
20Asina e hende hustunan a pluma e mal hendenan i a gaba, Señor, bo nòmber santu i elogiá bo man ku a defendé nan,
21pasobra sabiduria a habri boka di e mudanan i a pone hendenan ku no tabatin nada di bisa lanta bos.
Who We AreWhat We EelieveWhat We Do
2025 by iamachristian.org,Inc All rights reserved.
