Salmo 125 - Papiamentu Bible with DC 2013(PBDC13)

SALMO 125SEÑOR ta rondoná su pueblo ku su protekshonKantika di peregrinashon.

1Esnan ku ta konta ku SEÑOR

ta manera Seru di Sion:

nunka nan no ta tambaliá,

nan ta firme sintá pa semper.

2Manera e serunan rondó di Herusalèm

SEÑOR ta rondoná su pueblo

for di awor te den tur eternidat!

3Bastòn di maldat no por pisa

tera paternal di Dios su pueblo,

pa su hendenan no saka man

pa gara kos di maldat.

4Hasi bon, SEÑOR, pa nan ku ta bon,

pa nan ku ta di bon intenshon;

5ma esnan ku a bira infiel

i ta sigui nan kamindanan robes,

bari nan, SEÑOR, huntu ku malbadonan.

Pas pa Israel!