2 Krónikanan 9 - Papiamentu Bible with DC 2013(PBDC13)

Reina di Sheba ta bishitá Salomon(1 Reinan 10:1-13)

1Reina di Sheba i felis e funshonarionan akí ku tur ora ta huntu ku bo i ta tende bo sabiduria!

8Alabá sea SEÑOR, bo Dios; bo a kai asina tantu na su agrado, ku El a pone bo riba su trono pa bo ta rei den su nòmber! Pasobra bo Dios a stima Israel asina tantu ku E ke lag'é para firme pa semper, El a hasi bo nan rei pa bo mantené derecho i hustisia.’

9E reina a duna Salomon 3600 kilo di oro, gran kantidat di perfume i piedra presioso. Nunka tabatin perfume dje kalidat ku reina di Sheba a regalá rei Salomon.

10Ademas e sirbidónan di Hiram i esnan di Salomon, ku a trese oro for di Ofir, tambe a trese palu di sándalo i piedra presioso.

11Di e palu di sándalo rei a laga traha trapi pa kas di SEÑOR i pa palasio real, tambe siter i arpa pa músikonan. Nunka promé nan no a mira algu asina na Huda.

12Rei Salomon a kumpli ku tur deseo di reina di Sheba, el a duna e reina mas ku e reina a trese p'e. Despues e reina a kohe kaminda pa regresá su tera, kompañá pa e hendenan den su servisio.

Fama i rikesa di Salomon(1 Reinan 10:14-29; 2 Krónikanan 1:14-17)

13E oro ku rei Salomon tabata risibí pa aña tabata pisa 20.000 kilo,

14sin konta loke e tabata kobra na impuesto di e komersiantenan i e negosiantenan. Fuera di esei tur e reinan di Arabia i e gobernadornan di e pais tabata trese oro i plata pa Salomon.

15Rei Salomon a traha 200 eskudo grandi di oro batí. Pa kada unu el a usa seis kilo di oro.

16Tambe el a traha 300 eskudo mas chikitu di oro batí. Pa kada un el a usa tres kilo di oro. Despues el a pone nan den e palasio ‘Boske di Libanon’.

17Tambe rei a traha un trono grandi furá ku ivor i oro puru.

18E trono tabatin seis tret, un taburèt di oro pegá n'e, i un man na kada banda. Banda di e mannan tabatin dos leon pará;

19tabatin diesdos leon pará riba e seis tretnan, un na kada banda di un tret. Den ningun otro reino nan no a yega di traha algu asina.

20Tur e bekernan di rei Salomon tabata di oro, tur loke tabata usa na mesa den palasio ‘Boske di Libanon’ tabata di oro fini. Tempu di Salomon plata no tabatin balor.

21Rei tabatin barkunan komersial. Tripulante di e barkunan tabata sirbidó di Hiram. Un be den tres aña nan tabata drenta, kargá ku oro, plata, ivor, makaku i pòwis.

22Den rikesa i sabiduria rei Salomon a surpasá tur rei na mundu.

23Tur rei na mundu tabata deseá di mira Salomon pa tende e sabiduria ku Dios a dun'é.

24Kada un di nan tabata trese kos di oro i plata, paña, arma, perfume, kabai i mula. Esei tabata sosodé aña aden aña afó.

25Tambe Salomon tabatin 4000 lugá kaminda e por a pone kabai i garoshi di guera. E tabatin un kabayeria di 12.000 hende.Morto di Salomon(1 Reinan 11:41-43)

29Mas detaye tokante Salomon, for di antaño te mas resien ta skibí, den Historia di profeta Natan, den Profesia di Ahías di Silo i den e Vishonnan di vidente Ido tokante Yerobeam, yu hòmber di Nebat.

30For di Herusalèm, Salomon a goberná henter Israel durante kuarenta aña.

31Dia Salomon a bai sosegá serka su antepasadonan, a der'é na siudat di su tata David. Su yu Rehabeam a siguié komo rei.