1Despues di sabat, na kuminsamentu di e promé dia di siman, Maria Magdalena i e otro Maria a bai wak e graf.
2Diripiente tabatin un temblor pisá, pasobra un angel di Señor a baha for di shelu, lora e piedra kita for di entrada i kai sinta riba dje.
3E angel tabata bria manera ora welek ta kòrta i su paña tabata blanku manera lechi.
4E sòldánan ku tabata tene warda, tabata tembla di miedu. Nan a kai abou na suela, drumí manera morto.
5Ma e angel a bisa e muhénan: ‘No spanta! Mi sa ku boso ta buska Hesus, Esun ku nan a krusifiká.
6E no t'aki; El a resusitá, manera E mes a bisa ku lo sosodé. Bin mira e lugá kaminda su kurpa tabata poné.
7Bai lihé bai bisa su disipelnan: “El a lanta for di morto; E ta bai Galilea boso dilanti. Einan boso lo mir'É.” T'esei mi mester a bisa boso.’
8E muhénan a bai purá for di e graf, yen di miedu, ma tòg hopi kontentu. Nan a kore bai konta su disipelnan kiko a pasa.
9Ma na kaminda, ata Hesus a bin kontra nan i a kumindá nan. E muhénan a hala serka djE, kohe su pia tene i a ador'É.
10E ora ei Hesus a bisa nan: ‘No tene miedu! Bai bisa mi rumannan ku nan mester bai Galilea; ei nan lo mira Mi.’
Rapòrt di e sòldánan11Miéntras e muhénan tabata na kaminda, algun di e sòldánan ku tabata tene warda, a bai siudat bèk i a konta e saserdotenan importante tur kos ku a pasa.
12Despues di a reuní ku e ansianonan i a traha un plan, nan a duna e sòldánan un bon kantidat di plaka
13i a bisa nan: ‘Bisa e hendenan ku ta su disipelnan a bai hòrta e kurpa den anochi, ora boso tabata na soño.
14Si e kos akí yega na orea di gobernador, nos lo drecha e asuntu kuné di tal manera ku boso lo no haña boso den problema.’
15E sòldánan a tuma e sèn i a hasi manera a bisa nan. Asin'ei e kuenta a sigui plama entre e hudiunan te dia djawe.
Hesus ta duna su disipelnan e último enkargo(Marko 16:14-18; Lukas 24:36-49; Huan 20:19-23; Echonan 1:6-8)16E diesun disipelnan a bai e seru na Galilea,
Who We AreWhat We EelieveWhat We Do
2025 by iamachristian.org,Inc All rights reserved.
