Levítiko 18 - Papiamentu Bible with DC 2013(PBDC13)

Relashon seksual prohibí

1SEÑOR a ordená Moises

2pa bisa e israelitanan lo siguiente: ‘Mi ta SEÑOR, boso Dios.

3No hasi manera e hendenan di Egipto, e pais kaminda boso tabata biba, ta hasi; ni manera e hendenan di Kanaan, kaminda Mi ta bai hiba boso, ta hasi; no sigui kustumber di e hendenan ei.

4Praktiká mi reglanan i sòru di kumpli ku mi leinan, pasobra Ami ta SEÑOR, boso Dios.

5Kumpli anto ku mi leinan i reglanan. Esun ku praktiká nan, lo biba dor di nan. Pasobra asina boso ta deshonrá mi nòmber.Levítiko 20:1-5 Ami ta SEÑOR, boso Dios.

22No tene relashon seksual ku un otro hòmber manera ta tene relashon ku un muhé, ta un akto mashá repugnante.Levítiko 20:13

23No tene relashon seksual ku un bestia, pasobra bo ta bira impuru. Un muhé tampoko no mester entregá su mes na un bestia, ta akto perverso.Éksodo 22:19; Levítiko 20:15-16; Deuteronomio 27:21

24No hasi boso mes impuru dor di ningun di e aktonan akí, pasobra e nashonnan ku Mi ta bai yag boso dilanti a bira impuru dor di entregá nan mes na e aktonan akí.

25E pais mes a bira impuru. Mi mester a kastig'é i e mes a skupi saka su habitantenan.

26P'esei, israelitanan òf strañeronan ku ta biba meimei di e israelitanan, kumpli ku mi leinan i reglanan; i nenga tur e aktonan repugnante akí.

27E hendenan ku a biba den e pais promé ku boso, a kometé e aktonan akí i e pais a bira impuru.

28No hasié impuru atrobe, pa e no skupi saka boso afó, manera el a hasi ku esnan ku tabata einan promé ku boso.

29P'esei mester saka tur esnan ku ta entregá nan mes na e aktonan repugnante akí for di komunidat di Israel.

30Kumpli fielmente ku loke Mi ta ordená boso; no sigui ku e aktonan repugnante ku tabata kustumber promé ku boso a yega, pa boso no bira impuru. Ami ta SEÑOR, boso Dios.’