1 Bo por kohe e mònster Leviatan
14Ken ta tribi span su boka habri,
e boka ei yen di djente horibel?
15Su blatnan di lomba ta kareda di eskudo
duru seyá un riba otro,
16dje duru ei pegá riba otro,
ku ni airu no por pasa meimei di nan,
17dje uní ei ku otro,
ku niun hende no por separá nan.
18Ora e nister, bo ta mira lus reflehá,
su wowonan ta kòrá manera solo ku ta sali.
19Kandela ta brota fo'i su boka
i spat sali.
20Huma ta sali fo'i su burak'i nanishi,
manera dam for di un ketel ku ta herebé.
21Su rosea ta sende kandela;
vlam ta sali fo'i su boka.
22Su nèk ta sentro di su forsa,
tur ku enfrent'é, ta keda terorisá.
23Asta e parti ku karni na su kurpa
ta duru, impenetrabel,
manera heru bashá.
24Su kurason ta manera piedra,
mes duru ku piedra di mulina.
25Ora Leviatan lanta,
asta diosnan ta spanta;
miedu ta poderá di nan
i nan ta kore limpi bai.
26No tin spada pa herid'é,
lansa ni flecha ku por hasié daño.
27Heru ta manera yerba seku p'e,
bròns, mes fofo ku palu putrí.
28Flecha no por pon'é kore bai
i piedra di slengu ta un bòsh'i yerba seku p'e.
29Gòlpi di chikoti ta manera
sla ku pida palu seku p'e;
e ta hari ora e tende lansanan flùit pasa.
30Bou di su barika ta skèrpi
manera pida pida wea di rikla,
ora e lastra pasa den lodo
e ta laga un marka atras,
manera di tabla di peña tapushi.
31E ta laga oséano kunsumí,
manera wea na kandela;
e ta bòltu e awa den lago
manera sa meskla salfi den paila.
32E rastro ku e ta laga atras den awa
ta manera un ola di kabei blanku i briante.
33Riba tera no tin nada igual kuné;
e ta trahá pa no sinti miedu nunka.
34Asta e animal di mas orguyoso
no tin niun balor p'e,
e ta rei di tur bestia feros.’
Who We AreWhat We EelieveWhat We Do
2025 by iamachristian.org,Inc All rights reserved.
