Sabiduria 4 - Papiamentu Bible with DC 2013(PBDC13)

1E ora ei un bida sin yu ta mihó basta ku esei bai man na man ku un bida ehemplar;

10Tabatin un bon hende ku a kai na Dios su agrado i Dios tabata stim'é; e tabata biba meimei di pekadó, ma Dios a yam'é serka djE.Génesis 5:21-24; Sirag 44:16; Hebreonan 11:5

11Dios a rank'é bai kuné, pa maldat no pervertí su mente i eror no laga su alma kai den tentashon;

12pasobra maldat por enkantá hende i oskuresé su bista pa loke ta bon i sieguedat di pashon por daña mente inosente.

13Den poko tempu el a alkansá e perfekshon ku hende sa logra den hopi aña.

14Komo su alma tabata agradá Dios, Dios tabatin purá pa sak'é for di mundu di maldat. Hende ta mira e kos ei sí, pero nan no ta komprond'é; nan no ta kai na kuenta

15ku esnan ku Dios a skohe ta gosa di su amor i mizerikòrdia i ku E ta sòru pa esnan ku ta pertenesé n'E.

16Asina morto di bon hende ta kondenashon di e mal hendenan ku ta na bida ainda, e fin trempan di un hende hóben, un sentensia riba hende kurtí den piká.

17Nan ta mira morto di e deboto wèl, pero sin komprondé ta ki intenshon Señor tabatin kuné, ni pakiko Señor a tum'é ward'é na un lugá seif.

18Nan ta mira e kos ei sí, ma nan no tin kunes, pero un dia Señor lo hari nan.Salmonan 37:13; 59:8

19Dia nan muri, lo no dera nan kadaver, pa semper nan lo ta despresiá entre e mortonan. Señor lo laga nan keda babuká, laga suela sakudí bou di nan pia. Lo E pusha nan for di nan pedestal i kaba ku nan por kompleto. Nan lo ta yen di angustia, i lo no keda rekuerdo di nan.

Bon i mal hende den Huisio

20Nan lo aparesé yen di miedu, ora Dios saka kuenta di nan pikánan, i nan mal echonan lo bin topa nan komo nan akusadó.