1For di e lugá kaminda e tabata biba Abraham a bai e region Neguèb. Ei el a keda biba entre Kadesh i Sur. Despues el a biba komo strañero na Guerar.
2Ei el a laga sa ku su kasá Sara ta su ruman.Génesis 12:13; 26:7 P'esei Abimelèk, rei di Guerar, a duna òrdu pa buska Sara.
3Pero den anochi Dios a papia ku Abimelèk den un soño: ‘Bo ta bai muri pasobra e muhé akí ku bo a manda buska ta muhé kasá.’
4Abimelèk awor no a tene relashon ainda ku e muhé i el a kontestá: ‘Señor, Bo ke mata hende ku no a hasi malu?
5Abraham mes no a bisa mi ku e muhé ta su ruman? I e muhé tambe a bisa ku Abraham ta su ruman. Di manera ku mi a aktua inosentemente i sin mal intenshon.’
6E ora ei Dios a kontest'é den e soño: ‘Mi tambe sa ku bo a aktua inosentemente. P'esei tambe Mi a sòru pa bo no peka kontra Mi. Mi no a laga bo mishi ku e muhé.
7Hib'é bèk serka su kasá. E kasá ta un profeta, i e por resa pa bo keda na bida. Ma si bo no hiba su esposa bèk, sa ku abo i huntu ku bo tur bo hendenan lo muri sigur.’
8Su manisé trempan Abimelèk a yama tur su funshonarionan i a konta nan henter e asuntu. Nan a haña mashá miedu.
9Despues Abimelèk a yama Abraham i a bis'é: ‘Kiko bo a hasi ku nos? Ki daño mi a hasi bo ku bo a hinka ami i mi pueblo den un piká asina grandi? E kos ku bo a hasi ku nos ei no por!’
10Tambe Abimelèk a bisa Abraham: ‘Kiko a drenta bo, ku bo a hasi e kos ei?’
11Abraham a kontest'é: ‘Mi a kere ku na e lugá akí no tin rèspèt di Dios i ku lo mata mi pa motibu di mi esposa.
12Fuera di esei, e ta mi ruman di bèrdat: e ta yu di mi tata, pero no di mi mama. Asina mi por a kasa kuné.
13Ora Dios a laga mi biaha di un lugá pa otro leu for di mi famianan, mi a bisa Sara: “Bo por demostrá kon bon bo ke mi dor di bisa tur kaminda ku nos yega, ku nos ta ruman.” ’
14E ora ei Abimelèk a regalá Abraham karné, kabritu, baka i katibu. Tambe el a entreg'é su kasá bèk.
15El a bisa Abraham: ‘Mira, mi pais ta na bo òrdu! Bai biba kaminda bo ke.’
16Sara el a bisa: ‘Mi ta duna bo ruman mil plaka di plata pa proba bo bon nòmber. Tur hende ku ta huntu ku bo lo sa ku bo no a hasi nada malu.’
17E ora ei Abraham a resa na Dios i Dios a kura Abimelèk. Dios a kura su kasá i su kriánan tambe di manera ku nan por a haña yu atrobe.
18Pasobra a kousa di Sara, esposa di Abraham, SEÑOR a pone ku e muhénan den kas di Abimelèk no por a haña yu mas.
Who We AreWhat We EelieveWhat We Do
2025 by iamachristian.org,Inc All rights reserved.
