1A hasi bo maestro di seremonia? No hasi interesante,
komportá dilanti di e invitadonan manera un di nan.
Sòru pa nan, promé ku bo mes kai sinta.
2Ora bo kaba di kumpli ku bo debernan,
bo por kai sinta pa kompartí nan alegria
i haña elogio pa bo presentashon.
3Abo ku ta di edat avansá, papia, ta bo derechi;
pero sea modesto ku bo sabiduria
i no stroba e muzik.
4Kaminda tin muzik i kanto no tene diskurso muchu largu;
no bini ku bo sabiduria na un momento inoportuno.
5Un rubí riba un hoya di oro,
esei ta un konsierto na un bakanal.
6Un esmeralda montá den oro,
esei ta un kantika ku ta kompañá un bon biña.
7Abo ku ta hóben ainda, papia ora ke tende bo,
anto ainda despues di diferente petishon.
8Sea korto i bisa hopi ku poko palabra:
un hende ku ta na altura i tòg por sera su boka.
9Den kompania di hende prominente
no sinti bo mashá importante,
i kaminda tin hende di edat no papia di mas.
10Despues ku welek kòrta, bos ta zona,
despues ku un hende komportá modestamente, ta sigui apresio.
11Bai na tempu, no keda te delaster,
bai largu kas, no pasa niun kaminda.
12Dibertí bo aya i hasi loke bo tin gana,
sin hasi piká dor di sinta hasi redu.
13I pa tur e kosnan akí gradisí bo Kreador,
ku ta kolma bo ku su biennan.
SIÑA DISTINGUÍSabí òf nò14Esun ku respetá Señor ta haña guia,
esnan ku busk'É ta risibí su fabor.
15Es ku studia Lei ta keda ku satisfakshon,
pero esun ku no ta tum'é na serio, ta bruha.
16Es ku tin rèspèt pa Señor ta haña e bon kaminda,
su bon obranan lo manda lus manera un faro.
17Pero pekadó no ta laga koregié,
e ta buska un preteksto pa hasi loke e kièr.
18Hende sensato nunka no ta keda sin pensa,
pa un hende bobo ku semper ke sa mihó, duda nunka no ta problema.
19No hasi nada sin pensa promé,
ya despues no mester duel bo.
20No kana riba un kaminda yen di opstákulo,
ya bo no ta dal bo pia na piedra.
21Tampoko no sinti bo sigur riba un kaminda lizu,
22sea alerta pa bo yunan.
23Paga tinu riba tur loke bo ta hasi
pasobra esei tambe ta ‘kumpli ku Lei’.
24Hende ku hasi loke manda nan ta keda na bida,
i es ku konfia riba Señor lo no keda brongosá.
Who We AreWhat We EelieveWhat We Do
2025 by iamachristian.org,Inc All rights reserved.
