Numbernan 28 - Papiamentu Bible with DC 2013(PBDC13)

Lei tokante sakrifisio

1SEÑOR a bisa Moises:

2‘Ordená e israelitanan lo siguiente den mi nòmber: Perkurá ofresé e sakrifisionan ku ta pertenesé na Mi riba e dianan fihá; e sakrifisionan di kuminda ei, ku un holó agradabel pa Mi, ta mi kuminda.’

Instrukshon pa e sakrifisionan di tur dia(Éksodo 29:38-46)

3‘Bisa nan: Ofresé SEÑOR tur dia e siguiente sakrifisio di kuminda: dos lamchi chubatu di karné di un aña, sin defekto, komo sakrifisio di kandela;

4ofresé esun mainta i e otro ora nochi ta bai sera.

5Ofresé huntu ku kada lamchi dos kilo di hariña fini mesklá ku un liter di e mihó zeta di oleifi komo sakrifisio vegetal.

6Esei ta e sakrifisio di kandela di tur dia, manera esun ku nan a ofresé Mi e promé bia riba seru di Sinai. Ta un sakrifisio di kandela ku un holó agradabel pa SEÑOR.

7Basha huntu ku esun lamchi un liter di biña komo ofrenda na SEÑOR den santuario.

8Ofresé e otro lamchi ora nochi ta bai sera, ku e mesun ofrenda vegetal i e mesun ofrenda di biña di mainta. Ta un sakrifisio di kuminda, ku un holó agradabel pa SEÑOR.

Instrukshon pa e sakrifisionan riba sabat

9Ofresé riba dia di sabat dos lamchi di karné chubatu di un aña, sin defekto, i un ofrenda vegetal di kuater kilo di hariña fini mesklá ku zeta; hasi tambe un ofrenda di biña.

10Serka e sakrifisio di kandela di sabat ei ta bini e sakrifisio di kandela di tur dia i e ofrenda di biña ku ta pertenesé n'e.Instrukshon pa e sakrifisionan riba promé dia di luna

11Ofresé SEÑOR komo sakrifisio di kandela riba e promé dia di tur luna: dos toro yòn, un chubatu di karné, i shete lamchi chubatu di karné di un aña, sin defekto.

12Hasi un ofrenda vegetal di seis kilo di hariña fini mesklá ku zeta huntu ku kada toro, huntu ku e chubatu di karné un ofrenda vegetal di kuater kilo di hariña fini mesklá ku zeta,

13i huntu ku kada lamchi un ofrenda vegetal di dos kilo di hariña fini mesklá ku zeta. Esaki ta e sakrifisio di kandela, un sakrifisio di kuminda ku un holó agradabel pa SEÑOR.

14E ofrenda di biña ku mester hasi huntu ku kada toro ta dos liter, huntu ku kada chubatu di karné un liter mas un terser parti i huntu ku kada lamchi un liter. Esaki ta e sakrifisionan ku boso mester ofresé e promé dia di kada luna.

15Banda di e sakrifisio di kandela di tur dia ku e ofrenda di biña ku ta pertenesé n'e, boso mester ofresé e dia ei na SEÑOR un chubatu komo sakrifisio pa pordon di piká.

Instrukshon pa e sakrifisionan dia di Pésag(Levítiko 23:5-8)

16Selebrá fiesta di Pésag na honor di SEÑOR riba e di dieskuater dia di e promé luna.Éksodo 12:1-13; Deuteronomio 16:1-2

17Riba di diessinku dia di e luna ei ta sigui e fiesta, ku durante shete dia boso ta kome pan prepará sin is.Éksodo 12:14-20; 23:15; 34:18; Deuteronomio 16:3-8

18Reuní e promé dia ei pa adorá SEÑOR: no traha e dia ei.

19Ofresé e ora ei na SEÑOR un sakrifisio di kuminda i un sakrifisio di kandela di dos toro yòn, un chubatu di karné i shete lamchi chubatu di un aña, sin niun defekto.

20Hasi e ofrenda vegetal di hariña fini mesklá ku zeta huntu; seis kilo huntu ku kada toro, kuater kilo huntu ku e chubatu di karné

21i dos kilo huntu ku kada un di e shete lamchinan.

22Ofresé tambe un chubatu komo sakrifisio pa pordon di piká pa drecha tur kos entre boso i SEÑOR.

23Ofresé tur eseinan banda di e sakrifisio di kandela ku ta ofresé tur mainta.

24Shete dia largu, ofresé asina tur dia, un sakrifisio di kuminda ku un holó agradabel pa SEÑOR, banda di e sakrifisio di kandela di tur dia ku e ofrenda di biña ku ta pertenesé n'e.

25Reuní atrobe riba e di shete dia pa adorá SEÑOR, no traha e dia ei.

Instrukshon pa e sakrifisionan riba fiesta di e di Sinkuenta Dia

26Reuní pa adorá SEÑOR riba e promé dia di fiesta di e di Sinkuenta Dia,Éksodo 23:16; 34:22; Deuteronomio 16:9-12 ora ta ofresé e promé trigo komo ofrenda vegetal; no traha e dia ei.

27Ofresé e ora ei un sakrifisio di kandela ku un holó agradabel pa SEÑOR di dos toro yòn, un chubatu di karné i shete lamchi chubatu di un aña.

28Hasi huntu e ofrenda vegetal ku ta pertenesé n'e di hariña fini mesklá ku zeta; seis kilo huntu ku kada toro, kuater kilo huntu ku e chubatu di karné

29i dos kilo huntu ku kada un di e shete lamchinan.

30Ofresé tambe un chubatu pa drecha tur kos entre boso i SEÑOR.

31Ofresé e sakrifisionan akí banda di e sakrifisio di kandela i e ofrenda vegetal di tur dia ku ta pertenesé n'e; e bestianan pa sakrifisio mester ta sin defekto.