1-2Mi ta un hende mortal meskos ku tur otro hende ku ta desendé for di e promé hende trahá di tera. Den un pashon amoroso mi ta engendrá for di simia di un hòmber, den sanger di mi mama mi a kuaha i den seno di mi mama mi kurpa a krese nuebe luna largu.
3Manera tur resien nasí mi a drumi riba tera, mi a hala e airu ku nos tur ta respirá, aden i meskos ku tur resien nasí mi a kuminsá yora, mi promé zonido.
4Nan a lora mi den paña i mi tabata dependé kompletamente di kuido di otro hende.
5Te ainda nunka niun rei no a bini di un otro manera na mundu.
6Nos tur ta drenta bida di e mesun manera i nos ta bandon'é tambe di e mesun manera.
7P'esei mi a pidi Dios i El a duna mi inteligensia;Elogio di Sabiduria dibino
22Sabiduria tin un spiritu inteligente, santu,
úniko, multiforme, sutil,
móbil, penetrante, imakulado,
kla, invulnerabel, amante di bondat, ingenioso,
23iresistibel, bienechor, amigu di hende,
firme, inkebrantabel, sereno,
ku por hasi tur kos i ta atento pa tur kos,
ku ta penetrá tur spiritu,
maske kon inteligente, puru i sutil nan por ta.
24Sabiduria ta move mas lihé ku kualke moveshon, i pa motibu di su puresa e ta traspasá i penetrá tur kos.
25Pasobra e ta rosea di poder di Dios, brotashon puru for di gloria di Esun Todopoderoso; p'esei nada impuru no por drenta den dje.
26E ta refleho di lus eterno, spil sin mancha di aktividat di Dios i imágen di su bondat.
27I maske e ta úniko, tòg e por hasi tur kos; sin ku e mes kambia, e ta renobá tur kos, i drentando den almanan santu di kada generashon e ta hasi nan amigu di Dios, hende ku ta papia den su nòmber.
28Pasobra nada no ta mas agradabel na Dios ku hende ku ta biba huntu ku sabiduria.
29Sabiduria ta mas briante ku solo i ta surpasá tur strea; kompará ku lus di dia e ta sali ganadó,
30pasobra lus di dia semper a hala un banda pa nochi, ma sabiduria nunka no ta kita pa maldat.
Who We AreWhat We EelieveWhat We Do
2025 by iamachristian.org,Inc All rights reserved.
