1P'esei antó ami, ku ta prizonero pa kousa di Señor, ta hasi un apelashon na boso pa boso komportá di un forma ku ta kuadra ku e yamada ku Dios a hasi riba boso.
2Sea semper humilde i mansu, tene pasenshi i soportá otro ku amor.
9Awor ta kiko ta nifiká: ‘El a subi bai ariba’? Klaro ku lo E mester a yega di baha bini te na e parti mas abou, esta riba mundu mes!
10Ke men ku Esun ku a baha bini abou, ta Esun ku a subi bai ariba, pasa shelu sigui bai i yena tur kos den universo kompletamente.
11El a duna hende don pa asina algun di nan bira apòstel, algun otro profeta, otro evangelista i otro wardadó i maestro.
12Asin'ei E ta prepará e pueblo santu pa hasi su tarea i yuda kresementu di kurpa di Kristu
13te ora nos tur alkansá union den fe i den konosementu di Yu di Dios. E ora ei nos lo ta hende adulto, ku un madures ku ta igual na perfekshon di Kristu mes.
14E ora ei nos lo no ta mucha chikitu ku ta hasi manera ola ku ta subi baha i ku tur sorto di bientu ta supla manda djaki p'aya, mi ke men: tur sorto di siñansa ku ta bini di hende astuto, baké den arte di desviá otro hende!
15Ma nos ta basa nos bida riba bèrdat i amor i asina nos ta krese pa yega na un union perfekto ku Kristu, ku ta e kabes.
16Danki na Kristu tur parti di e kurpa ta bon hinká den otro i uní pa medio di e kabuyanan di múskulo. Anto si tur e partinan ta funshoná bon, e kurpa ta krese i keda edifiká den amor.Hende nobo pa medio di Kristu
17Esaki antó ta loke ami tin pa bisa boso i mi ta bis'é ku énfasis na nòmber di Señor: no komportá boso manera pagano ku ta pensa lokura.
18Nan sintí ta tapá i nan no tin parti na e bida ku Dios ta duna, ya ku nan ta ignorante i nan kurason ta duru!
19Nan a pèrdè bèrgwensa i a entregá nan mes, sin niun kòntròl, na bisio pa hasi tur klase di impuresa.
20No ta e kosnan ei boso a siña tokante Kristu sí!
21Klaro ku boso a tende papia di djE i a siña boso di djE konforme e bèrdat ku ta den djE mes.
22A siña boso pa pone boso bida di ántes un banda, esta e hende ku boso tabata ántes,
Who We AreWhat We EelieveWhat We Do
2025 by iamachristian.org,Inc All rights reserved.
