Mateo 1 - Papiamentu Bible with DC 2013(PBDC13)

Antepasadonan di Hesus(Lukas 3:23-38)

1Ata lista di e antepasadonan di Hesu-Kristu, desendiente di David i via David desendiente di Abraham.

2Abraham tabata tata di Isak; Isak di Yakob; Yakob di Huda i di e rumannan di Huda;

3Huda di Pèrès i Zèrag (nan mama tabata Tamar); Pèrès di Hèsron; Hèsron di Ram;

4Ram di Aminadab; Aminadab di Nagshon; Nagshon di Salmon;

5Salmon di Boaz (su mama tabata Rahab); Boaz di Obed (su mama tabata Ruth); Obed di Ishai;

6Ishai di rei David.

David tabata tata di Salomon (su mama tabata kasá di Urías);

7Salomon di Rehabeam; Rehabeam di Abías; Abías di Asa;

8Asa di Yoshafat; Yoshafat di Yoram; Yoram di Uzías;

9Uzías di Yotam; Yotam di Ahas; Ahas di Ezekías;

10Ezekías di Manase; Manase di Amon; Amon di Yosías;

11Yosías di Yekonías i su rumannan den tempu ku a deportá e israelitanan pa Babilonia.

12Despues di e deportashon pa Babilonia, Yekonías a bira tata di Shealtiel; Shealtiel di Zerubabel;

13Zerubabel di Abihud; Abihud di Elyakim; Elyakim di Azor;

14Azor di Sadok; Sadok di Akim; Akim di Eliud;

15Eliud di Eleazar; Eleazar di Matan; Matan di Yakob.

16Yakob tabata tata di Hosé, kasá di Maria; Maria tabata mama di Hesus, ku nan a yama Mesias.

17Ke men ku tabatin dieskuater generashon for di Abraham te na David, dieskuater generashon for di David te na tempu ku nan a deportá e israelitanan pa Babilonia i dieskuater generashon for di e deportashon akí te na nasementu di Mesias.

Nasementu di Hesus(Lukas 2:1-7)

18Nasementu di Hesu-Kristu a bai di e siguiente manera. Maria, mama di Hesus, tabata komprometé ku Hosé,

loke ta nifiká “Dios ku nos”.’

24Ora Hosé a lanta for di soño, el a kasa ku Maria manera e angel di Señor a enkarg'é.

25E no a tene relashon ku Maria promé ku Maria a duna lus na un yu hòmber i el yama e yu ‘Hesus’.