Romanonan 11 - Papiamentu Bible with DC 2013(PBDC13)

Dios su plan ku restu di Israel

1Awor mi ta puntra: Dios a rechasá su pueblo? Apsolutamente ku nò! Pasobra ami mes ta israelita, desendiente di Abraham i miembro di tribu di Benhamin.

9I David ta bisa:

‘Nan komementu resultá un trampa i reda pa nan,

ya nan ta trompeká i haña nan kastigu.

10Laga nan wowo bira skur pa nan no mira.

Dobla nan lomba pa semper.’Salbashon di esnan no hudiu

11Awor mi ta puntra: ora e pueblo di Israel a trompeká, nan a kai pa no lanta nunka mas? Apsolutamente ku nò! Pero desobediensia di e hudiunan a sirbi pa esnan no hudiu haña salbashon i asina hasi e hudiunan yalurs.

12Si nan desobediensia a sirbi pa enrikesé mundu i nan frakaso pa enrikesé esnan no hudiu, kuantu mas efekto nan restourashon kompleto lo no tin?

13Pero ta na boso ku no ta hudiu mi ta dirigí palabra. Siendo apòstel pa esnan no hudiu i ku mashá apresio pa e tarea akí,

14mi ta spera di por hasi hende di mi mes pueblo yalurs i asina ei hiba algun di nan na salbashon.

15Pues si e echo ku Dios a rechasá e hudiunan ya kaba a sirbi pa rekonsiliá mundu kunÉ, kiko lo no pasa ora Dios aseptá nan? E ora ei esnan ku tabata morto lo haña bida!

16Pues si durante sakrifisio ta konsagrá e promé pan, trahá di e mansa, na Dios, di mes sobrá di e mansa tambe ta konsagrá n'E. Anto si konsagrá rais di un palu na Dios, di mes e takinan tambe ta konsagrá n'E.

17Awor a kòrta algun di e takinan di e palu di oleifi, ku ta e hudiunan, i a ènter abo, un taki di oleifi shimaron, entre e sobrá takinan. Asina bo ta kompartí e awa nutritivo di e rais.

18Pero no menospresiá e takinan original sí! Si bo ke hasié tòg, kòrda sí ku no ta abo ta sostené e rais, ma ta e rais ta sostené bo.

19Lo bo bisa: ‘Pero a kòrta taki kita afó pa ènter ami na e palu!’

20Bon, a kòrta nan kita afó pa motibu di nan inkredulidat, pero abo ta pegá pa motibu di bo fe. No laga esei hasi bo orguyoso, mas bien haña miedu!

21Pasobra si Dios no a spar ni e takinan original, lo E no spar abo tampoko!

22P'esei mira kon Dios ta mustra su bondat i su severidat. Ku e takinan ku a kai, E tabata severo i ku bo, E tabata bondadoso. Pero ta nesesario pa bo keda fiel na su bondat, sino E ta kòrta bo tambe kita afó.

23Pa loke ta trata e hudiunan, si nan pone nan inkredulidat un banda, Dios lo ènter nan na e palu. Sí, E tin poder pa bolbe ènter nan.

24Pasobra si Dios a kòrta abo ku pa naturalesa ta di un palu di oleifi shimaron i kontra naturalesa a ènter bo na e palu kultivá, bo no ta kere ku E por ènter e hudiunan ku ta taki original na nan mes palu di oleifi tambe?

Salbashon final di pueblo hudiu

25Rumannan, tin un sekreto ku mi ke pa boso sa, pa boso no kere ku boso ta sabí. Un parti di e israelitanan su kurason a bira duru i lo keda duru te ora e kantidat di no hudiu ku mester haña salbashon drenta.

26Ora esaki sosodé, henter Israel lo haña salbashon, manera Skritura ta bisa:

‘E libertadó ta bini di Sion,

lo E kita maldat di e desendientenan di Yakob.

27Esaki lo ta Mi aliansa ku nan,

ora Mi kita nan pikánan.’

28Ora ta trata di e bon notisia, e hudiunan ta konsiderá di ta enemigu di Dios pa asina duna boso un oportunidat, pero ora ta trata di skohementu, nan ta esnan stimá pa Dios, pasobra El a skohe nan antepasadonan.

29Pues Dios no ta tuma bèk loke El a duna, ni E no ta kambia di idea tokante esnan ku El a yama.

30Ántes boso ku no ta hudiu tabata desobedesidu na Dios, pero awor komo e hudiunan a desobedes'É, Dios a tene mizerikòrdia ku boso.

31Asina ta sosodé ku e hudiunan tambe: komo Dios a tene mizerikòrdia ku boso, nan a bira desobedesidu. Pero esei a sosodé ya Dios ta tene mizerikòrdia ku nan.

32Pasobra Dios a hasi tur hende prizonero di nan mes desobediensia, ya E por tene mizerikòrdia ku nan tur.

33Esta inkomprensibel Dios su rikesa, sabiduria i konosementu ta! Esta insondabel su plannan!

35Ken por eksigí pago,

pa algu ku el a duna Dios?’

36Pasobra tur kos ta bini di djE, ta eksistí pa medio di djE i t'ei p'E.1 Korintionan 8:6; Efesionan 4:6; Kolosensenan 1:16 Gloria n'E pa semper! Amèn!