1Ounke mi por a papia tur lenga ku hende sa papia, asta lenga di angel, pero mi no tin amor, mi no ta nada mas ku un gòn ku ta resoná òf un bèl ku ta zona pa loko.
2Maske mi tin don di profesia, mi konosé tur Dios su plannan skondí i mi sa tur kos, maske mi tin fe perfekto pa move seru,Mateo 17:20; 21:21; Marko 11:23 ma mi no tin amor, mi no ta nada.
3Maske mi parti tur loke mi tin pa alimentá pober i asta entregá mi kurpa pa mi broma ku esei, ma mi no tin amor, no ta yuda mi ku nada.
4Amor sa di soportá i ta bondadoso, e no ta envidioso; amor no sa broma, ni ta orguyoso.
5E no ta grosero, ni egoista; e no sa rabia lihé, ni warda renkor;
6e no ta keda kontentu ku inhustisia, pero ku bèrdat sí.
7Amor semper ta perseverá, semper ta kere, semper ta spera i keda soportá.
8Amor ta dura pa semper. E dia lo yega ku hende lo no profetisá mas, ni papia den lenga i don di konosementu lo no eksistí mas.
9Pasobra don di konosementu i don di profesia ta kos limitá,
10ku lo yega na nan fin ora loke ta perfekto bini.
11Tempu mi tabata mucha, mi tabata papia manera mucha, pensa manera mucha i rasoná manera mucha; pero dia mi a bira hende grandi, mi a laga loke ta di mucha mi tras.
12Awor akí nos ta mira via un spil, no direktamente, pero e dia ei nos lo mira direktamente.1 Huan 3:2 Awor akí mi konosementu ta limitá, pero e dia ei lo mi tin konosementu kompleto manera Dios konosé mi kompletamente.
13Mientrastantu tres kos ta keda: fe, speransa i amor; pero esun di mas grandi ta amor.
Who We AreWhat We EelieveWhat We Do
2025 by iamachristian.org,Inc All rights reserved.
