Ezekiel 18 - Papiamentu Bible with DC 2013(PBDC13)

Kada hende mes ta responsabel pa loke e hasi(Ezekiel 33:10-20)

1SEÑOR a dirigí palabra na mi:

2‘Pakiko boso ta usa e proverbio akí na Israel: “T'e tatanan a kome drùif ku no ta hechu, pero ta djente di e yunan ta kohe rel?” ’

24Pero ora un hende hustu stòp di ta hustu? Ora e bai hasi kosnan inhustu i mes kosnan repugnante ku e hende malbado? Un hende asina ta keda na bida e ora ei? Nò. No ta tene kuenta ku tempu ku e tabata hasi kos hustu. Lo e muri, pasobra el a bira lomba pa Mi i a peka.

25Boso ta pensa sigur: “Loke SEÑOR ta hasi, no ta korekto.” Skucha, israelitanan! No ta loke Ami ta hasi no ta korekto, pero loke boso ta hasi!

26Ora un hende hustu stòp di ta hustu, ora e hasi kos inhustu i muri, e ora ei ta pa e kos inhustu ku el a hasi!

27Asina tambe ora un hende malbado tin duele di su maldat i djawe padilanti biba un bida honesto i hustu, lo e keda na bida.

28Su wowonan a habri i el a kombertí di su maldat. Un hende asina sigur lo no muri.

29I boso, israelitanan, ta riska bisa: “Loke SEÑOR ta hasi no ta korekto!” No loke Ami ta hasi, ma loke boso ta hasi no ta korekto!

30P'esei lo Mi husga kada un di boso segun su echonan, pueblo di Israel.’