Salmo 70 - Papiamentu Bible with DC 2013(PBDC13)

SALMO 70SEÑOR, no tarda pa yuda miPa maestro di kanto. Di David. Pa konmemorá.

1Dios, sea mi yudansa,

SEÑOR, hasi lihé yuda mi.

2Laga esnan ku ke kaba ku mi bida

keda brongosá i humiliá;

laga nan ku ke mira mi desgrasia

hal'atras yen di bèrgwensa.

3Esnan ku ta bisa mi: ‘Drechi pa bo!’

laga nan mes retirá di bèrgwensa.

4Mare esnan ku ta buska Bo por gosa

i haña nan legria den Bo

i esun ku deseá pa Bo salb'é

bisa: ‘SEÑOR ta grandi!’

5Ma ami, pober, mizerabel, — o Dios,

bini lihé serka mi.

Bo ta mi yudansa i Salbador,

SEÑOR, no tarda!