1E ora ei mi a mira riba e kupel riba kabes di e kerubinnan un kos ku tabata parse un piedra di safiro den forma di un trono.Ezekiel 1:26; Revelashon 4:2 Esei tabata visibel riba e kerubinnan.
2SEÑOR a bisa e hòmber na paña di lenen: ‘Meimei di e wilnan bou di e kerubinnan tin karbon kayente. Yena bo man ku nan i plama nan riba e siudat.’Revelashon 8:5 Mi a mir'é bai aya.
3Awor e kerubinnan tabata pará na banda drechi di tèmpel, ora e hòmber a bai aya; i un nubia a yena e plenchi sentral di tèmpel.
4E ora ei gloria di SEÑOR a lanta for di riba e kerubinnan i a bai entrada di tèmpel. E nubia a yena henter e tèmpel i e plenchi di tèmpel tabata yen di e splendor lombrante di e gloria di SEÑOR.Éksodo 16:10; 24:16; Numbernan 10:34
5Por a tende e batimentu di ala di e kerubinnan te riba e plenchi pafó di tèmpel. E tabata zona manera stèm di Dios Todopoderoso.
6Ora SEÑOR a duna e hòmber na paña di lenen enkargo pa kohe karbon kayente for di meimei di e wilnan, esaki a bai para banda di un di e wilnan.
7Un di e kerubinnan a kohe poko karbon kayente i a pone nan den man di e hòmber na paña di lenen. Esaki a tuma nan i a bai.
8Bou di e alanan di e kerubinnan tabatin algu visibel ku tabatin forma di un man di hende.
9Mi a mira kuater wil banda di e kerubinnan, un wil banda di kada kerubin. E wilnan tabata bria manera óniks.
10E wilnan tabata meskos i tabata parse komo si fuera den kada wil tabatin un otro wil.
11Ora nan tabata move bai dilanti, nan tabata move den tur kuater direkshon sin tabatin mester di drei nan kurpa. Kaminda esun mas dilanti tabata bai, e otronan tabata siguié sin drei nan kurpa ora nan tabata move bai dilanti.
12Kurpa di e kerubinnan, nan lomba, man i ala, i e wilnan tambe tabata tur tapá ku wowo.Ezekiel 1:18; Revelashon 4:8 Nan kada un tabatin un wil di nan mes.
13Mi a tende bisa ku ta wil nan tabata.Ezekiel 1:15-21
14Kada kerubin tabatin kuater kara: e promé kara tabata kara di un angel, e di dos di un hende, e di tres di un leon i e di kuater di un águila.Ezekiel 1:10; Revelashon 4:7
15E ora ei e kerubinnan a lanta. Tabata e mes sernan ku mi a mira na riu di Kebar.Ezekiel 1:1-3
16Ora e kerubinnan tabata move bai dilanti, e wilnan banda di nan tambe tabata move bai dilanti; ora nan tabata subi bai laria, e wilnan no tabata skit for di nan banda.
17Ora e sernan tabata keda para, e wilnan tambe tabata keda para, i ora e sernan tabata subi bai laria, e wilnan tambe tabata subi bai laria, pasobra e forsa den e sernan tabata dominá e wilnan tambe.
18E ora ei gloria di SEÑOR a bandoná entrada di tèmpel i El a bai para riba e kerubinnan.
19E kerubinnan a habri nan alanan i lanta nan mes mi dilanti for di suela, i e wilnan a bai ku nan. Nan a baha na e porta ost di tèmpel ku e gloria di Dios di Israel riba nan.
20Tabata e mes sernan ku mi a mira bou di Dios di Israel, tempu mi tabata keda na riu di Kebar, i awor mi a komprondé ku ta kerubin nan tabata.
21Kada un tabatin kuater kara i kuater ala i bou di e alanan algu ku tabata parse man di hende.
22Nan kara tabata e mesunnan ku mi a mira na riu di Kebar. Kada ser tabata move règt bai dilanti.
Who We AreWhat We EelieveWhat We Do
2025 by iamachristian.org,Inc All rights reserved.
