1 Tao amin’ny tahirin-kiran’ny ilohan’antoko-mpihira. Hampiarahina amin’ny valiha. Salamo nataon’i Davida.
2Ry Andriamanitra mpanome rariny ahy ô,
raha miantso vonjy aho, mba valio.
Tao an-katerena aho no efa nafahanao;
iantrao àry aho ka henoy vavaka.
3Mandra-pahoviana, rey olona,
no handotoanareo ny voninahitro?
Ny hanendrikendrika ahy tsy amin’antony
sy ny hamoron-dainga hiampangana ahy:
izany no kendrenareo hatrany hatrany.
Fiatoana
4Fantaro kosa fa igagana ny fitiavan’ny TOMPO ahy;
henoiny aho rehefa miantso vonjy aminy.
5Tezera kanefa aza manota ianareo,
mieritrereta eo am-pandriana kanefa aza manahy.
Fiatoana
6Fa manaova kosa sorona araka ny lalàna
ary dia matokia ny TOMPO.
7Maro ny olona mitaraina hoe:
«Mba te hahita fahasambarana izahay,
ka jereo amin-kamorampo, TOMPO ô.»
8Nasianao fifaliana kosa ato am-poko
mihoatra noho ilay fifalian’ireo,
amin’ny itobahan’ny variny sy ny divainy.
9Vao mandry aho dia renoka am-piadanana,
satria Ianao irery ihany, TOMPO ô,
no mampitombina ahy tsy hanana ahiahy.
Who We AreWhat We EelieveWhat We Do
2025 by iamachristian.org,Inc All rights reserved.
