1 Коринтјаните 10 - Свето Писмо: Стандардна Библи?а 2006 (66 книги)（MK2006）

Опомени против идолите

1 2 Мојс 13,21; 14,22; Пс 105,39 Браќа, не сакам да не знаете дека татковците наши сите беа под облак и сите минаа преку морето,

2и сите во Мојсеј се крстија во об­ла­кот и во морето;

32 Мојс 16,4.35; 5 Мојс 8,3; Пс 78,24-25; Јн 6,49и сите јадеа иста духовна храна;

42 Мојс 17,6; 4 Мојс 20,7-11; Пс 78,15-16и сите пиеја исто духовно пиење; зашто пиеја од духовната карпа, што ги придружуваше; а таа карпа беше Хрис­тос.

54 Мојс 14,29; Пс 78,31; Евр 3,17; Јуда 1,5Но повеќето од нив не беа по волјата Божја, затоа загинаа во пустината.

64 Мојс 11,4.34; Пс 106,14А тоа беа примери за нас, за да не бидеме похотливи по злото, како што тие беа похотливи.

72 Мојс 32,6Не бидете ниту идолослужители, ка­ко некои од нив, за кои е напишано: „Народот седна да јаде и да пие, па ста­на да игра.“

84 Мојс 25И да не блудничиме, како некои од нив што блудничеа, и во еден ден загинаа дваесет и три илјади.

94 Мојс 21,5-6; Мт 4,7И да не Го искушуваме Христос, ка­ко што некои од нив Го искушуваа, и за­гинаа од змии.

102 Мојс 16,2; 4 Мојс 14,2.36; 17,6.14; Евр 3,8-11Не мрморете, како што некои од нив замрмореа, па загинаа од Истре­би­телот.

119,9-10; 1 Птр 4,7; 1 Јн 2,18Сето тоа ним им се случуваше да служат како пример, а беше запишано нам за опомена, до кои стигна крајот на вековите.

12Рим 11,20; Гал 6,1Затоа, кој мисли дека стои, нека гледа да не падне.

131,9; 1 Сол 5,24; 2 Сол 3,3; Евр 10,23; 2 Птр 2,9Друго искушение вас не ве зафати, освен човечкото; но верен е Бог, Кој не­ма да допушти да бидете искушувани повеќе од силата ваша, а заедно со ис­ку­шението ќе ви даде и излез, за да мо­же­те да издржите.

141 Јн 5,21Затоа, возљубени мои, одбегнувајте го служењето на идолите.

15Ви зборувам како на разумни: ра­судете сами за ова што ви го кажувам,

16Мт 26,27-28; Дела 2,42Чашата на благословот, која ја бла­гословуваме, не е ли заедништво со крв­та Христова? Лебот, што го кршиме, не е ли заедништво со телото Христово?

17Рим 12,5; Ефес 1,23; 4,4.25; 5,30Бидејќи лебот е само еден, едно те­ло сме ние многуте, зашто сите сме причесници од еден леб.

183 Мојс 7,6Гледајте го Израел според телото: оние што јадат од жртвите, не се ли причесници со жртвеникот?

19А што да кажам? Дека идолските жртви се нешто, или дека идолот е нешто?

203 Мојс 17,7; 5 Мојс 32,17; Пс 106,37; Откр 9,20Не! Но она што го принесуваат нез­набошците како жртва, го принесуваат на демони, а не на Бога; јас, пак, не са­кам да бидете во заедништво со де­мо­ни­те.

212 Кор 6,15-16Не можете да пиете од Господовата чаша и од чашата на демоните; не мо­жете да учествувате на Господовата тр­пеза и на трпеза на демоните.

225 Мојс 32,21; Ис 45,9Дали, пак, ќе побудиме завист во Господ? Та посилни ли сме од Него?

Да се постапува целосно за слава на Бога

23 6,12 „Сѐ е допуштено!“ Но не е сѐ по­лез­но: „Сѐ е допуштено!“ Но сѐ не се на­градува.

24Рим 14,19; Фил 2,21Никој нека не ја бара својата лична полза, туку ползата на другиот.

25Сѐ што се продава на пазар, јадете без какво и да било испитување поради совеста;

26Пс 24,1; 50,12зашто „Господова е земјата и она што ја исполнува.“

27Ако ве покани некој од безверните и вие посакате да одите, јадете сѐ што ќе ви изнесат, без никакво испитување поради совеста.

28Рим 14,14.15Но, ако некој ви рече: тоа е идолска жртва, не јадете – заради оној што ви го рекол тоа, и поради совеста. Зашто „Господова е земјата и она што ја ис­полнува.“

29Рим 14,3.13Но не зборувам за совеста твоја, ту­ку на друг; зошто мојата слобода да би­де судена од туѓа совест?

30Ако, пак, во јадењето учествувам со благодарност, зошто да бидам хулен по­ради тоа, за кое благодарам?

31И така било да јадете, или да пиете, или нешто друго да правите, сето тоа правете го за слава Божја.

32Не станувајте соблазна ни за Ју­деј­ците, ни за Елините, ниту за црквата Божја,

33како што и јас им угодувам на сите во сѐ и не ја барам својата полза, туку ползата на мнозина, за да бидат спа­се­ни.