Псалми 137 - Свето Писмо: Стандардна Библи?а 2006 (66 книги)（MK2006）

ПСАЛМ 137Тагување на заробените во Вавилон

1 Ез 3,15; Плач; 3,48-51 Крај реките вавилонски – таму се­девме и плачевме, кога ќе се сетевме на Сион;

2Ис 24,8; Ер 25,10на врбите, среде Вавилон, ги зака­чивме нашите харфи.

3Зашто таму, оние што нѐ заробија и кои нѐ одведоа, побараа од нас радосна песна, велејќи ни: „Пејте ни од песните сионски!“

4Како да запееме Господова песна на туѓа земја?

5Ер 51,50Ако те заборавам тебе, Ерусалиме, – нека ме заборави мојата десница,

622,15; Ез 3,26; Јов 29,10нека се залепи јазикот мој за непцето мое, ако не те помнам, ако не го пос­тавам Ерусалим над секоја моја радост.

7Ез 25,12-14; Авд; 1,10-14; Плач 4,21Сети се, Господи, на синовите Едомови, во денот на Ерусалим, кога тие говореа: „Разрушете, разрушете го до темелите негови!“

828,4Ќерко вавилонска, опустошителко, блажен е оној, што ќе ти врати за делото што ни го направи!

9Ис 13,16; Ос 14,1; Наум 3,10; Лк 19,44Блажен е оној што ќе ги заграби и ќе ги разбие од камен децата твои.