Агеј 2 - Свето Писмо: Стандардна Библи?а 2006 (66 книги)（MK2006）

Славата на идниот храм

1Во седмиот месец, на дваесет и првиот ден од месецот, дојде слово Господово преку пророкот Агеј:

21,12„Кажи им сега на Зоровавел, синот на Салатиил, управителот на Јудеја, и на Исус, Јоседековиот син, првосвеште­никот, и на другиот народ:

3Езд 3,10-13Кој од вас што останавте, го видел овој храм во неговата поранешна слава, а како вие сега го гледате овој? Не е ли овој како ништо во вашите очи?

41,13; Езд 10,4Но охрабри се сега, Зоровавеле, – вели Господ – ободри се, Исусе, сине Јоседеков, првосвештенику, охрабрете се сите народи овде – вели Господ – и ра­ботете, зашто Јас сум со вас“, вели Гос­под Саваот.

5„Како што ви ветив, кога излеговте од Египет, Мојот Дух ќе биде меѓу вас: не плашете се!“

6Авак 3,6; Пс 18,7; Евр 12,26Зашто вака вели Господ Саваот – „Уште еднаш – и ете, скоро ќе се случи тоа – ќе ги затресам небото и земјата, морето и копното;

7Ис 60,7-11; Откр 21,24-26ќе ги стресам сите народи – и ќе дојде богатството на сите народи и ќе се исполни овој дом со слава“, вели Господ Саваот.

8Ис 60,17„Среброто е Мое и златото е Мое“ – вели Господ Саваот.

9Ер 33,6-9; Зах 8,12„Славата на овој нов храм ќе биде поголема отколку на поранешниот – вели Господ Саваот; и на ова место ќе му дадам мир“, вели Господ Саваот.

Минатото и иднината

10На дваесет и четвртиот ден од де­веттиот месец, во втората година на Дариј, дојде слово Господово преку пророкот Агеј:

11Мал 2,7„Вака вели Господ Саваот – прашај ги свештениците за Законот и кажи –

12Ер 11,15ако некој би носел осветено месо во полата од облеката своја, и со полата би се допрел до леб, или до нешто варено или до вино, или до масло, или до какво и да е друго јадење, дали би се осветило тоа?“ Одговорија свештениците и рекоа: „Не.“

133 Мојс 22,4-7; 4 Мојс 19,22Потоа пак рече Агеј: „Ако некој се осквернил, допирајќи мртовец и потоа би се допрел до тоа, дали би станало тоа нечисто?“ Одговорија свештениците и рекоа – „Ќе стане нечисто.“

14Тогаш рече Агеј – таков е и овој народ, такво е и ова племе пред Мене, вели Господ, и такви се сите дела на рацете негови! Па што и да принесувате, сѐ ќе биде нечисто.

151,5А сега размислете за минатото и за иднината, кога уште не беше положен камен на камен во овој храм Господов,

161,6како изгледавте? Доаѓавте до купче од дваесет мери, а имаше само десет; доаѓавте да црпите од каца со зафатнина од педесет мери, а имаше само дваесет мери.

17Амос 4,9Ве поразував со гламја и со млечка по житата и со град во секое дело на рацете ваши, но вие не се обративте кон Мене, вели Господ.

18Размислете од денес за натаму, од дваесет и четвртиот ден во овој деветти месец, од денот кога беше основан храмот Господов; обратете ги срцата ваши:

191 Мојс 49,25; Мал 3,10; Пс 84,6Има ли уште во житниците семе? Досега ни лозата, ни смоквата, ни нарот, ни маслината не даваа плод; а од денес Јас ќе ве благословувам.

Божјо Слово до Зоровавел

20И дојде слово Господово до проро­кот Агеј по вторпат на дваесет и четвртиот ден од месецот, и беше речено:

212,6„Кажи му на Зоровавел, управи­телот на Јудеја: ќе го затресам небото и земјата;

22Суд 7,22; Ез 38,21; Зах 14,13ќе урнам престоли на царства не­знабожечки, ќе превртам бојни коли и оние што ќе седнат во нив, и кутнати ќе бидат и коњите и коњаниците нивни ќе паднат, секој од мечот на својот другар.

23Ер 22,24; Зах 6,12-13; Пс 78,68Во тој ден, вели Господ Саваот, ќе те земам, Зоровавеле, сине Салатиилов, слуго Мој, вели Господ, и ќе те држам како печат, бидејќи те избрав.“