Осија 12 - Свето Писмо: Стандардна Библи?а 2006 (66 книги)（MK2006）

Споредба меѓу Израел и Јудеја

1 4,2; 7,1 Ефрем Ме опкружил со лаги, а домот Израелов – со измами; но Јуда сѐ уште се држи за Бога, и верен Му е на Светецот.

25,13; 13,15; Ис 30,1; 31,1; 57,9; Плач 5,6Ефрем пасе ветар и трча кон ис­точниот ветар, по цел ден си ги намно­жува лагите и насилствата, склучува сојуз со Ашур, а во Египет праќа масло.

Суд и над Израел и над Јудеја

3 4,1 Но и со Јуда Господ ќе има суд – Тој ќе го казни и Јаков за постапките него­ви, и Ќе му плати според делата негови.

41 Мојс 25,26; Ис 43,27Уште во утробата мајчина тој го по­тиснуваше брата си, а кога порасна, тој се бореше и со Бога.

51 Мојс 28,10-22; 32,24-28; 35,15Тој се бореше против ангел – и го победи; заплака и Го замоли; во Ветил Тој нѐ најде и таму зборуваше со нас.

6Амос 4,13А Господ е Бог над силите; Јахве е името Негово.

711,5Врати се и ти кон својот Бог; биди милостив и справедлив, и секогаш надевај се на твојот Бог.

85 Мојс 25,13; Зах 14,21Хананецот има неверни мерила во раката своја и сака да онеправдува.

9Лк 12,16-21; Откр 3,17-18И Ефрем вели: „Сепак се збогатив, насобрав многу имот, макар што во сите мои работи не можат да најдат ништо незаконско, што би било грев.“

Господ му е сепак Бог на Израел

10 2,16; 13,4; 1 Мојс 20,2; 3 Мојс 11,45 Јас сум твојот Господ Бог уште од земјата египетска: пак ќе те населам да седиш во колиби како во деновите на празникот.

116,5; 4 Мојс 12,2-8; 5 Мојс 18,15; Пс 74,9; Плач 2,9Јас им зборував на пророците и ги умножував виденијата, а и преку пророците ќе донесам уништување.

124,15; 6,8; 9,15Во Галаад има беззаконија, тие ќе бидат уништени. Во Гилгал колат за жртви телци, а жртвениците им стојат како купишта камења на меѓите од нивните ниви.

131 Мојс 29Избега Јаков во Арам и Израел служеше за жена, а за жена и овци па­сеше.

1411,1; 2 Мојс 3,7-10; 5 Мојс 18,15.18Преку пророк го изведе Господ Израел од Египет и преку пророк Тој го пазеше.

15Ез 33,4Ефрем многу Го разгневи Господа, па затоа Господ ќе ја остави крвта негова на него, и ќе му плати за неговите навреди.