Јов 8 - Свето Писмо: Стандардна Библи?а 2006 (66 книги)（MK2006）

Говор на Вилдад: за гревовите се одговара – порано или подоцна

1Тогаш одговори Вилдад од Шуах и рече:

2„До кога ќе говориш така? И збо­ровите од устата твоја се бурен ветар!

35 Мојс 32,4; 34,10-12Зар Бог суди криво? Може ли Седржителот да ја изопачи правдата?

41,19Ако твоите синови пред Него згре­шиле, затоа и ги предал на нивното беззаконие.

511,13Но ако Го побараш Бога и Му се помолиш на Седржителот,

6и ако си чист и праведен, тогаш Тој ќе бдее над тебе и ќе те врати во твојата праведност.

79,28-29И ако порано си имал малку, после ќе имаш повеќе.

812,12; 14,2; 15,18; 5 Мојс 4,32Запрашај ги поранешните поколе­нија и вникни во мудроста на нивните предци;

9ние сме вчерашни и ништо не знае­ме, нашите дни се како сенка на земјата.

10Зар тие нема да те научат, зар тие нема од срцето свое да кажуваат збо­рови:

1115,30.33никнува ли трска без влага? Расте ли шамак без вода?

12Додека е сѐ уште зелен и нео­косен, тој се суши пред секоја трева.

13Пс 9,17; Изреки 10,28Такви се патиштата на сите, кои Го забораваат Бога; така пропаѓа надежта на безбожникот;

1427,18; Ис 59,5; Мт 7,26-27надежта му е тенка нишка, вербата негова – мрежа пајакова.

15Ако се потпре на куќата своја, нема да издржи; ќе се фати ли за неа, нема да додржи.

16Се зеленее тој, на сонцето вирее, неговите фиданки градината ја пре­к­риваат,

17во грамада од камења се вплетуваат корењата негови, живот црпи од живиот камен.

18Но кога ќе го искорнат од местото негово, тоа ќе се откаже од него: не сум те видело!

19Ете ја радоста на неговиот пат! А од земјата никнуваат растенија други.

209,23-24Не, Бог не ги отфрла непо­рочните и не ја поддржува раката на беззакониците.

21Со смеа ќе ја наполни устата твоја, и усните твои – со радосни извици.

22Пс 6,10; 35,26; Изреки 14,11Оние што те мразат, со срам ќе се покријат, живеалиштето на нечес­ните ќе исчезне.“