Јов 33 - Свето Писмо: Стандардна Библи?а 2006 (66 книги)（MK2006）

Аргументот на Елијуј: Бог го опоменува човекот

1 33,31 „И така, слушај ги Јове, зборовите мои и внимавај на сѐ што ќе ти кажам.

2Еве, ја отворам устата своја, јази­кот ми говори под непцето мое.

3Зборовите мои се искрени од срцето мое, и устата моја ќе искаже чиста вистина.

434,14Духот Божји ме создал, и здивот на Седржителот ми дал живот.

533,32Ако можеш, одговори ми и застани спроти мене.

631,15Еве ме мене, според твојата желба, место Бога. И јас сум направен од кал;

723,15поради тоа стравот пред мене не може да те збуни, и раката моја нема да биде тешка за тебе.

8Ти зборуваше пред мене, и јас го чув гласот на твоите зборови:

910,7; 16,17‚Чист сум, без порок, невин сум; во мене нема неправда;

109,20.29; 13,24А Тој најде обвинение против мене и ме смета за Свој противник;

1113,27; 19,6.11нозете ми ги стави во окови, ги надгледува сите мои патишта.‘

124,19; 11,5-9Ете, во тоа ти не си прав, ти одговарам; човекот со Бога не може да се мери.

139,16; 23,8; 24,1.12Зошто ти е да се бориш против Него? Тој не дава сметка за Своите дела.

144,12-16; 7,14; 35,10Бог говори еднаш на еден начин а потоа на друг, но луѓето не внимаваат:

15на сон, во ноќно видение, кога со­нот ги соборува луѓето, во време, кога спијат на своето легло,

167,4.13; 30,27тогаш Тој му го отвора на чове­кот увото и го запечатува Своето кажу­вање,

1735,12; 36,9-10за да го одвлече човекот од лошо дело, и да ја отстрани гордоста од него,

1833,28-30; 36,11за да ја запази душата негова од бездна, и животот негов од пораз со меч.

1916,12-15Или, пак, го вразумува со болест на постелата негова, и со лута болка во сите коски негови;

206,6-7; Пс 107,18така што животот негов да се гади од лебот, душата негова – од омилената храна.

2119,20Месото негово исчезнува; коските негови, кои пред тоа не се гледале, се подаваат.

2217,13Душата негова се приближува кон гробот, а животот негов – до смртта.

231,9-11Ако има кај него ангел, еден од илјада, за да му го покажува правиот пат, –

242,6Бог би се смилувал над него и би рекол: ‚Ослободи го од гробот; Јас најдов откуп.‘

2542,10Тогаш телото негово ќе се подмлади повеќе, отколку во млади години; и тој ќе се врати во дните на младите свои години.

2642,4-6Ќе Му се моли на Бога, и Тој ќе биде милостив спрема него; со радост ќе го погледнува лицето негово и ќе му ја враќа праведноста негова.

2740,4-5Тој ќе ги гледа луѓето и ќе вели: сум грешел и сум ја искривувал правдата, и не ми е вратено со зло;

2842,12Тој ја ослободи душата моја од гроб; животот мој гледа светлина.

295,17-18Ете, сето тоа Бог му го прави два до трипати на човекот,

3028,28за да ја изведе душата негова од бездната и да го просвети со светлината на живите.

31Внимавај, Јове, слушај ме, молчи, јас ќе зборувам.

32Ако имаш нешто да кажеш, одговарај; зборувај, зашто јас го посакувам твоето оправдување;

33ако, пак не, тогаш слушај ме: молчи и јас ќе те научам на мудрост.“