Михеј 5 - Свето Писмо: Стандардна Библи?а 2006 (66 книги)（MK2006）

1 Рута 4,11; Мт 2,6; Јн 7,42 Но ти, Витлееме Ефратов, иако си најмал меѓу илјадниците Јудејци, од тебе ќе ни излезе Оној, Кој ќе владее во Израел и чие потекло е од почетокот, од вечноста.

2Ис 7,14Затоа Тој ќе ги остави до времето додека роди онаа, која треба да роди; тогаш кај синовите Израелови ќе се вратат и нивните други браќа.

3Ќе застане Тој и ќе ги пасе со силата на Господ, со величието на името Господово, својот Бог и тие ќе живеат во мир, зашто тогаш Тој ќе биде велик до краиштата на земјата.

Асирија ќе биде поразена

4 Суд 6,24; Ис 9,5; Амос 1,3; Ефес 2,14 И Тој ќе биде мирот. Кога ќе дојде Ашур во нашата земја и ќе стапи во нашето владение, тогаш ние против него ќе поставиме седум пастири и осум народни кнезови.

51 Мојс 10,8-11; Пс 2,9Тогаш тие ќе ја завладеат земјата Ашурова со меч, и земјата на Нимрод со сабја, и Тој ќе нѐ избави од Ашур, ако дојдат во нашата земја и влезат во пределите наши.

Остатокот од Божјиот народ

6 Ис 4,3; Ос 14,6 А остатокот од Јаков меѓу многуте народи ќе биде како роса од Господ, како ситен дожд по трева. Тој нема да зависи од човек и нема да се потпира на смртници.

7И остатокот на Јаков ќе биде меѓу народите, меѓу многу племиња, како лав меѓу горски ѕверови, како лавче меѓу овчо стадо; и кога ќе се појави, ќе гази и ќе растргнува и никој не ќе може да се спаси од него.

8Тогаш ќе се крене раката Твоја над непријателите Твои и тие ќе бидат истребени.

Истребување на идолите

9 Ос 14,4; Зах 9,10 И во оној ден, вели Господ, ќе ги истребам коњите твои пред тебе и ќе ги уништам колите твои;

10и ќе ги сотрам градовите во твојата земја и ќе ги растурам сите тврдини твои;

11ќе ги истргнам магиите од рацете твои и кај тебе не ќе има веќе вражачи;

12ќе ги уништам идолите и резаните ликови кај тебе и нема веќе да се поклонуваш на творби од рацете твои;

132 Мојс 23,24; 34,13и ќе ги искоренам од твојата средина идолските светилишта и ќе ги разорам градовите твои.

14Во гнев и со јарост ќе се одмаздам над народите што беа непослушни.