Броеви 30 - Свето Писмо: Стандардна Библи?а 2006 (66 книги)（MK2006）

1И им кажа Мојсеј на синовите израелски сѐ што му беше запо­ведал Господ.

Закон за заветите

2И им зборуваше Мојсеј на начал­ниците од племињата на синовите изра­елски, велејќи: „Еве што заповеда Гос­под:

33 Мојс 27,1-10; Мт 5,33

5 Мојс 23,21-24; Суд 11,30-40; Пс 50,14; Проп 5,3-4; Мт 5,32-36‚ако некој Му вети нешто на Господ, или се заколне со клетва, и стави заре­кување на душата своја, да не го ос­кверни зборот свој, туку да изврши сѐ што излегло од устата негова.

4Ако жена даде завет на Господ и се зарече во татковата си куќа, во млади години,

5а таткото нејзин го чуе заветот и зарекувањето нејзино што го наложила на душата своја, па го премолчи таткото нејзин тоа, тогаш сите нејзини ветувања, и секое нејзино зарекување што си го наложила на душата своја, да ги исполни;

6ако таткото нејзин, кога ќе чуе, па ѝ забрани, тогаш сите нејзини завети што си ги наложила на душата своја, да не се исполнуваат, и Господ ќе ѝ прости, бидејќи таткото ѝ ги забранил.

73 Мојс 5,4Ако се омажи, а е обврзана со завет, или се обврзала со збор, излезен од ус­тата нејзина,

8и чуе мажот нејзин, па, откако ќе чуе премолчи: заветите нејзини да се исполнат, и зареците нејзини, исто така да се исполнат;

9ако мажот нејзин, кога ќе ги чуе, ѝ забрани и го отфрли заветот нејзин што го дала, и зборот излезен од устата неј­зина, со кој таа се обврзала, Господ ќе ѝ прости.

10А заветот на вдовица и разведена, какво и да било зарекување да си нало­жила на душата своја, да се исполни.

11Ако жена се заветувала во куќата на мажот свој, или со клетва си нало­жила на душата своја зарекување,

12и мажот нејзин ја чул, а премолчал и не ѝ го забранил, тогаш сите завети нејзини да се исполнат, и секое зарекување што го наложила на душата своја, да се исполни;

13Ефес 5,22; Кол 3,18ако, пак, мажот нејзин, откако ги чул, ги отфрлил, тогаш сите завети неј­зини, излезени од устата нејзина, и зарекувања на душата нејзина, да не се исполнат; мажот нејзин ги уништил, и Господ ќе ѝ прости.

14Секој нејзин завет и секое клетвено зарекување нејзино за смирување на душата своја, мажот нејзин може да го потврди, и мажот нејзин може да го отфрли.

15Ако мажот нејзин молчел од ден на ден, тој со тоа ги потврдил сите ветувања нејзини и сите зарекувања нејзини, со кои се обврзала; ги потврдил, зашто, откако ги чул, молчел за тоа;

16ако, пак, ги отфрлил, откако ги чул, тој го примил врз себе гревот нејзин.‘“

17Тоа се наредбите, кои Господ му ги заповеда на Мојсеј за односите меѓу мажот и жената негова, меѓу таткото и ќерката негова во млади години, во куќата на нејзиниот татко.