Создавање 14 - Свето Писмо: Стандардна Библи?а 2006 (66 книги)（MK2006）

Аврам, царевите и Мелхиседек

1Кога Амрафел беше шинарски цар, еласарски цар Арјох, елам­ски цар Кедорлаомер и гоимски цар Тидал,

2сите тие цареви започнаа војна против содомскиот цар Бера, против царот на Гомора Бирша, против царот на Адма Шинав, цевоимскот цар Шемевер и со царот на Бела, односно Сигор.

3Сите тие се собраа во долината Сидим, која сега е Солено Море.

4Дванаесет години му служеа на Ке­дор­лаомер, а во тринаесеттата се по­бунија.

52 Мојс 17,8; 5 Мојс 2,10Во четиринаесеттата дојде Кедор­ла­омер и царевите, кои беа со него, па ги поразија Рефаимците во Аштер­от-Кар­наим, Зузимците во Хам, Емим­ците во Шаве-Кирјатаим,

6Хоријците во гората нивна Сеир, дури до рамнината Фаран, што е крај пустината.

7А кога се вратија оттаму, дојдоа до изворот Мишпат, односно Кадис, и ја опустошија целата област амаликиска, како и Аморејците, кои живееја во Хацацон-Тамар.

8Тогаш излегоа царот содомски и царот на Гомора, царот на Адма, царот цевоимски и царот од Бела, односно Сигор, и појдоа во борба против оние во долината Сидим:

9против Кедорлаомер, царот елам­ски, и Тидал, царот гоимски, и Амра­фел, царот шинарски, и Арјох, царот еласарски; четири цара против пет.

10Во долината Сидим имаше, пак, многу јами, од кои се вадеше асфалт. И побегнаа царот содомски и царот на Гомора, и паднаа во нив; а другите избегаа во планините.

11Победниците го зедоа сиот имот на Содом и Гомора и сета храна нивна, па си отидоа.

12Го зедоа и Лот, братанецот Авра­мов, кој живееше во Содом, и имотот негов, и си отидоа.

13А еден од оние, што се беа изба­виле, дојде и му јави на Евреинот Аврам, кој тогаш живееше кај светите дрвја. Мамре, Амореецот, со браќата Ешкол и Анер беа Аврамови сојузници.

14А кога Аврам чу дека му е заробен братанецот, ги вооружа слугите свои, триста и осумнаесет, кои се родија во неговата куќа, и тргнаа во потера до Дан.

15Тука ги распореди своите слуги и удри на нив ноќе, и ги разби, и ги гонеше до Хова, кој е северно од Да­маск.

16И го поврати сиот имот и Лот, братанецот свој, со имотот негов, и жените и народот.

17А царот содомски му излезе во прес­рет, кога се враќаше, откако го разби Кедорлаомер и царевите, што беа со него, во долината Шаве, која е сега Долина на царевите.

18Пс 110,4; Евр 7,1И Мелхиседек, царот шалемски, из­не­се леб и вино; а тој беше свештеник на Севишниот Бог,

19па го благослови, велејќи: „Благо­словен да е Аврам од Севишниот Бог, Создателот на небото и земјата!

2028,22Благословен да е и Севишниот Бог, Кој ги предаде непријателите твои во рацете твои!“ И му даде Аврам десетти дел од сѐ.

21А содомскиот цар му рече на Ав­рам: „Дај ми ги мене луѓето, а имотот земи си го за себе!“

22Но Аврам му рече на царот содомски: „Ја кревам раката своја кон Севиш­ниот Господ Бог, Создател на небото и на земјата,

23дека ни конец, ниту, пак, ремен од обувки, нема да земам од сѐ она, што е твое, да не речеш – јас го збогатив Аврам,

24освен, она што изедоа момците, и освен делот на луѓето што одеа со мене: Анер, Ешкол и Мамре; тие нека го земат својот дел.“