2 Царевите Вовед - Свето Писмо: Стандардна Библи?а 2006 (66 книги)（MK2006）
Вовед Втората книга за царевите е продолжение на првата книга со истиот наслов: таа го прикажува владеењето на последните цареви од царствата на Јуда и на Израел.Првиот дел (1–17) нѐ води до распаѓањето на царството Израел, со кое лошо управуваат царевите неверни на Бога. Поради нивната тврдокорност Бог му допушта на Салманасар, цар на Асирија, да тргне во поход на Самарија, главниот град на израелското царство на север. Тоа се случува во 722 година пр. Христос, кога царот еден дел од населението го одведува во прогонство. Во повеќето глави од овој дел на книгата најмногу е истакнат ликот на пророкот Елисеј, ученик на Илија и негов наследник (2–13).Вториот дел од оваа книга (18–25) го опишува периодот од 130 години, во кој царството на Јуда опстојува самостојно, сѐ до времето кога царот Навуходоносор од Вавилон го освојува на Ерусалим во 587 год. пр. Христос. Тој го разорил храмот и ги одвел во прогонство, односно ги депортирал во Вавилонија најугледните граѓани на Јудеја (25).
