1Кога тие тројца мажи престанаа да му одговараат на Јов, бидејќи се сметаше за невин,
233,1-33се разгори гневот на Елијуј, син Варахиилов, од Буз, од Рамовиот род; се разгоре гневот негов против Јов, поради тоа што тој се правеше поправеден од Бога;
334,1-33а против тројцата негови пријатели се разгоре гневот негов затоа што тие не знаеја што да одговорат, а пак го обвинуваа Јов.
4Елијуј чекаше додека тие говореа со Јов, зашто по години беа постари од него.
5А кога Елијуј виде дека нема одговор во устата на тројцата мажи, гневот негов се разгоре.
615,10И одговори Елијуј, син Варахиилов, од Буз, и рече: „Јас сум млад по години, а вие сте старци; затоа јас се плашев и не се осмелував да ви го кажам моето мислење.
78,8; 12,12Јас си велев: нека говорат дните и многулетието нека поучува во мудрост.
81 Мојс 41,38-39; Ис 11,2; Дан 2,45Но има дух во човекот, и духот на Седржителот го вразумува.
9Не само многулетните се мудри, ниту само старците знаат што е право.
10Затоа велам: ислушајте ме, ќе ви го кажам и јас моето мислење.
11Јк 1,19Ете, чекав вие да се искажете, го слушав вашето расудување, додека вие говоревте.
12Внимателно ве следев, и никој од вас не го изобличи Јов и не одговори на зборовите негови.
1332,1Немојте да речете: ‚ние наидовме на мудрост: Бог ќе го убеди, а човекот не може.‘
14Ако тој ги упатуваше зборовите свои кон мене, јас ќе му одговорев не со вашите зборови.
15Се исплашија, повеќе не говорат; не знаат што да кажат.
16Чекав, а тие пак не говореа, престанаа и повеќе не зборуваа.
17Јас ќе говорам за сѐ, ќе го кажам мислењето свое.
18Затоа што сум полн со зборови, и духот ме притиска однатре.
19Ер 20,9; Мт 9,17Ете, утробата моја е како затворено вино: готова е да прсне како нови мевови.
20Ќе позборувам, за да ми се олесни; ќе си ја отворам устата и ќе одговорам.
21Нема да гледам кој е кој и на никого нема да му ласкам,
22Пс 12,3-4зашто не умеам да ласкам: за миг Создателот мој би ме зел.“
Who We AreWhat We EelieveWhat We Do
2025 by iamachristian.org,Inc All rights reserved.
