Софонија 2 - Свето Писмо: Стандардна Библи?а 2006 (66 книги)（MK2006）

Позив за враќање кон Господ

1Соберете се, соберете се, народи бесрамни,

2Ос 13,3; Плач 2,22додека не бидете одвеани како пле­ва, додека уште не е дојден врз вас пламнатиот гнев Господов, додека не настапил денот на јароста Господова.

3Ис 57,15; Амос 5,4Побарајте Го Господа, сите скромни на земјата, вие што ги извршувате законите Негови; побарајте ја правдата, побарајте ја понизноста; можеби ќе бидете заштитени во денот на гневот Господов.

Суд за Филистеја

4 Ис 14,28-32; Ер 47; Ез 25,15-17; Амос 1,6-8; Зах 9,5 Зашто Газа ќе биде напуштена и Ашкелон ќе запусти, Ашдод ќе биде изгонет среде ден, а Екрон ќе се искорени.

53,6; 5 Мојс 2,23; Ис.Н. 13,2; Ер 47,4; Амос 9,7Тешко им на жителите од приморскиот крај, на народот од Крит! Словото Господово е против вас, Ха­нанци, земјо филистејска! Јас ќе те истребам, и во тебе нема да има жи­тели,

6Ис 65,10па ќе стане приморскиот крај ливада, овчарско пасиште и ограда за добиток.

7Зах 10,3И тој крај ќе му припадне на остатокот од домот Јудин, и ќе пасат таму и во куќите на Ашкелон вечерта ќе ја поминуваат, зашто Господ, нивниот Бог, ќе ги посети и ќе им ја измени судбината.

Суд за Моав и Амон

8 4 Мојс 22,36; 5 Мојс 2,19; Ис 15–16; Ер 48,1; 49,6; Ез 25,1-11; Амос 1,13; 2,3 Го чув хулењето од Моав и навре­дите од синовите Амонови, како се подигруваат со Мојот народ и како се шират во пределите негови.

91 Мојс 19,1; Ис 13,19; 14,2; Зах 2,13Но жив сум Јас, вели Господ Саваот, Бог Израелов: Моав ќе биде како Содом, и синовите на Амон ќе бидат ка­ко Гомора, земја на коприви, соларник, пустина за навек; остатокот од Мојот народ ќе ги плени, и оние што ќе оста­нат од Мојот народ, ќе ги наследи.

10Ер 48,42Тоа ќе им биде цената за гордоста нивна, зашто се подигруваа и се ширеа над народот на Господ Саваот.

11Ис 24,15; 42,12Страшен ќе биде за нив Господ: Тој ќе ги истреби сите земни богови, и Нему ќе Му се поклонат – сите од своите места, сите острови на народите.

Суд над Етиопија

12 2 Цар 19,9; Ис 18–20; Ер 46; Ез 29–32 И вие, Етиопјани, ќе бидете пора­зени од Мојот меч.

Суд над Асирија

13Потоа Господ ќе ја протегне раката Своја на север, ќе го уништи Ашур, а Ниневија ќе ја претвори во урнатина, во место суво како пустина,

14Ис 34,11и стада ќе лежат по неа и секаков вид животни: буф и еж ќе ноќеваат врз столбовите, утки и гаврани ќе гракаат по праговите, зашто нивните кедарски градби ќе запустат.

15Ис 47,8.10; Ер 18,16; 19,8; 49,17Тој ли е прочуениот град, кој жи­вееше безгрижно и во срцето свое си велеше: „Јас сум и нема друг освен мене!?“ И еве, ќе стане урнатина, легло за ѕверови! И секој што ќе помине покрај него, ќе потсвирне и ќе мавне со раката.