1 Коринтјаните 6 - Свето Писмо: Стандардна Библи?а 2006 (66 книги)（MK2006）

За споровите пред суд

1Дали некој од вас, кога има спор про­тив друг, би се осмелил да се суди пред неправедни, а не пред светии?

2Дан 7,22; Мт 19,28; Откр 3,21; 20,4Не знаете ли дека светиите ќе го су­дат светот? Ако, пак, вие го судите светот, не сте ли достојни да судите за по­мали работи?

32 Птр 2,4Не знаете ли дека ангели ќе судиме, а не, пак, она секојдневното?

4А кога имате спор за работи од овој свет, за судии земете ги оние кои од црквата се сметаат за безначајни!

5Лк 12,57За ваш срам велам: зарем меѓу вас нема мудар, кој може да расуди меѓу браќата свои?

62 Кор 6,15Туку брат со братот се суди, и тоа пред неверници!

7Мт 5,39-42; 1 Сол 5,15; 1 Птр 3,9Многу срамно е веќе тоа и за вас што имате спорови меѓу себе. Зошто поскоро не трпите неправда? Зошто поскоро не ја претрпите штетата?

8Но вие сами навредувате и нанесува­те неправда и ограбувате, и тоа браќата свои.

9Или не знаете дека неправедните не­ма да го наследат царството Божјо? Не лажете се: ни блудниците, ниту идоло­поклониците, ни ракоблудците, ни ма­желожниците,

1015,50; Рим 1,29-31; 13,13; Гал 5,19-21; Ефес 5,5ниту крадците, ни користољупците, ни пијаниците, ниту хулниците, ни раз­бојниците нема да го наследат царството Божјо.

11Дела 22,16; Ефес 5,26; 2 Сол 2,13; 1 Јн 2,12А такви беа и некои од вас; но се из­мивте, се осветивте, се оправдавте во името на нашиот Господ Исус Христос преку Духот на нашиот Бог.

Прославете Го Бога во своето тело

12 7,35; 10,23 „Сѐ ми е допуштено!“ Но не е сѐ по­лезно: „Сѐ ми е допуштено!“ Но ништо не сакам да завладее над мене.

131 Сол 4,3-5Храната е за стомакот, а стомакот за храната; но Бог и неа и него ќе ги уништи. Телото, пак, не е за блудство, а за Господ, а Господ – за телото.

1415,15.20; Рим 8,11; 2 Кор 4,14; 13,4А Бог и Господ Го воскресна, и нас ќе нѐ воскресне со силата Своја.

1512,12-27; Рим 12,4-5Зар не знаете дека телата ваши се делови од Христос? Ќе ги земам ли де­ловите од Христос и да ги направам делови на блудница? Тоа никако!

161 Мојс 2,24; Мт 19,5Или, пак, не знаете дека оној, кој со блудница се соединува, станува едно те­ло со неа? Зашто е речено: „Обата ќе бидат едно тело.“

17Јн 17,21-23; Рим 8,9-11; 2 Кор 3,17-18А кој се соединува со Господ, еден дух е со Него.

1810,8.14; 1 Тим 6,11Бегајте од блудството! Секој грев, што го прави човекот, е надвор од телото, а блудникот греши против своето тело.

193,16; Јн 2,21Или не знаете дека вашето тело е храм на Светиот Дух, Кој живее во вас и ни е даден од Бога и дека не при­па­ѓа­те само на себе?

207,23; Фил 1,20; 1 Птр 1,18-19Зашто скапо сте платени. Затоа прославете Го Бога во своите тела и во своите души, кои се Божји.