Јов 35 - Свето Писмо: Стандардна Библи?а 2006 (66 книги)（MK2006）

Според Елијуј, Јов не може ништо сериозно да каже

1Продолжи пак Елијуј и рече:

232,2-3„Мислиш ли ти дека е право тоа што го рече: ‚Праведен сум пред Господ?‘

3Ти рече: ‚Каква полза за мене и каква корист ќе имам, ако грешам?‘

4Јас ќе ти одговорам и на тебе и на твоите пријатели:

533,12Погледај кон небото и види; загледај се во облаците – тие се повисоки од тебе.

634,24Ако грешиш, што ќе Му напра­виш Нему? И ако твоите престапи се умно­жуваат, што Му причинуваш Нему?

7Ако си праведен, што Му даваш? Или што ќе добие од раката твоја?

834,29Твојата нечесност може да му на­прави лошо на човек како тебе; а твојата праведност може да му помогне на синот човечки.

9Од многу насилници офкаат угне­тените и од рацете на силните пиштат;

1033,15-19но никој не вели: ‚Каде е Бог, мојот Создател, Кој дава песни ноќе,

11Кој нѐ прави поразумни од земниот добиток и помудри од птиците небе­ски?‘

12Тогаш тие викаат, но Тој не им одговара, поради гордоста на лошите луѓе.

13Но Бог слуша, Седржителот го гледа тоа.

1436,8-10Макар и да велиш дека не Го гледаш, но судот е пред Него, и – оче­кувај го.

15А сега, бидејќи гневот Негов не го посети, и Тој не го испита со сета строгост,

1638,2затоа, Јов, лесномислено ја отвора устата своја и без размислување, не­разумно говори.“