1 Летописи 16 - Свето Писмо: Стандардна Библи?а 2006 (66 книги)（MK2006）

Давидов псалм за слава при пренесувањето на ковчегот

1Го донесоа ковчегот Божји и го поставија среде скинијата, што ја беше направил Давид за него и Му принесе на Бога жртви сепаленици, и помирителни жртви.

22 Мојс 39,43; 4 Мојс 6,23-26Кога Давид заврши со сепалениците и принесувањето на поми­рителни жрт­ви, го благослови народот во името Господово,

3Ис 16,7и им раздаде на сите Израелци, и на мажи и на жени, по еден леб, по едно парче месо и по чаша вино.

4Тогаш постави тој на служба пред ковчегот Господов некои од левитите, за да славословат, да благодарат и да Го превознесуваат Господ, Бог Израелов:

5Асаф – за раководител, втор по него – Захарија, Јеиел, Шемирамот, Јехиил, Матитија, Елијав, Ванеја, Аведар и Јеиел со харфи и лири, и Асаф – да уди­ра на кимвали,

6а Ванеја и Јахазиел, свештеници, – да трубат постојано пред ковчегот на заветот Божји.

Славопојни песни(Пс 96,1-13; 105,1-15; 106,1.47-48)

7Во тој ден Давид за првпат даде псалм за славословие на Господ преку Асаф и браќата негови:

82 Цар 19,19; Пс 107,1; 118,1; 136,1„Славете Го Господа, разгласувајте го името Негово; кажувајте ги делата Негови меѓу народите;

92 Мојс 15,1пејте Му, свирете Му; раскажувајте за сите Негови чудеса;

10Пс 66,2фалете се со Неговото свето име; нека се весели срцето на оние, кои Го бараа Господа;

11побарајте Го Господа и силата Не­гова, барајте го постојано лицето Не­гово,

125 Мојс 4,34; Пс 78,43спомнувајте ги чудесата, што ги изврши, знаците Негови и судовите од устата Негова;

13вие, семе Израелово, слуги Негови, синови Јаковови, избраници Негови!

14Тој е Господ, Бог наш; Неговите су­дови се по целата земја.

151 Мојс 8,1; Пс 98,3; 111,5Помнете го вечно заветот Негов, словото, што го заповеда за илјада родови,

161 Мојс 12,7; 15,18она, што му го вети на Авраам и во кое му се колнеше на Исак.

171 Мојс 35,9-12Тој му ја постави на Јаков за закон и на Израел за вечен завет,

181 Мојс 13,14-17велејќи: ‚Тебе ќе ти ја дадам земјата хананска, како ваш наследен дел.‘

195 Мојс 7,7Тие тогаш беа малубројни, мошне малку и во неа беа придојдени,

201 Мојс 20,13и талкаа од народ до народ и од едно царство до друго племе;

211 Мојс 12,17; 20,3; 2 Мојс 7,15-18; Пс 9,4но не дозволи никому да ги навредува и ги разобличуваше заради нив царевите:

221 Мојс 20,7‚не гибајте ги Моите помазаници и не правете им зло на Моите пророци.‘

23Пеј Му на Господ, цела земјо, на­вестувајте го од ден во ден спасението од Него.

24Ис 42,12; 66,19Разгласувајте ја меѓу незнабошци­те славата Негова, и меѓу сите луѓе чудесата Негови,

252 Мојс 18,11; 5 Мојс 32,39; Ис 40,25; Пс 18,2; 2 Лет 2,5зашто Господ е голем и достоен за слава, пострашен од сите богови.

26Зашто сите богови на народите се ништо, а Господ ги создаде небесата.

27Слава и величие пред лицето Него­во, сила и радост во Неговото Свето место.

28Пс 29,1-2Воздајте Му на Господ, племиња народни, воздајте Му на Господ слава и чест!

29Пс 29,1-2; 2 Лет 20,21Воздајте Му ја на Господ славата на името Негово. Принесете дар, дојдете пред лицето Негово, поклонете Му се на Господ во сјајот на светлината Негова.

30Пс 2,11; 33,8Трепери пред Него, цела земјо, зашто Тој ја основа вселената, и таа нема да се разниша.

31Ис 44,23; 49,13Нека се веселат небесата, да ликува земјата, и нека се вели меѓу народите: ‚Господ царува!‘

322 Мојс 20,11; Ис 42,10Нека се бранува морето и сѐ што го исполнува, да се радува полето и сѐ што е на него.

33Ис 2,4; 14,8; 55,12Да ликуваат заедно сите дрвја во лаговите пред лицето на Господ, зашто Тој доаѓа да ја суди земјата.

34Ис 12,4; Пс 105,1; Езд 3,11; 2 Лет 5,13; 7,3Славете Го Господа, зашто Тој е добар и милоста Му е вечна,

35и речете: ‚Спаси нѐ, Боже, Спасите­ле наш! Собери нѐ и избави нѐ од народите, за да го славиме Твоето свето име и да се фалиме со Твојата слава!‘

361 Цар 8,15; Пс 72,18-19Благословен Господ, Бог Израе­лов, отсекогаш и засекогаш!“ И сиот народ рече: „Амин, алилуја!“

Богослужби во Ерусалим и во Гаваон

37 2 Лет 8,14 Давид ги остави таму, пред ковче­гот на заветот Господов, Асаф и браќа­та негови за да служат пред ковчегот постојано, секој ден,

38Аведар и браќата негови, шеесет и осум души; Аведар, син Једутунов, и Хоса – за вратари;

391 Сам 2,35; Ис.Н. 9,3а свештеникот Садок и браќата не­гови, свештеници, ги остави пред Гос­подовиот дом, што беше на висината на Гаваон,

402 Мојс 29,38; 4 Мојс 28,1-8за да принесуваат жртви на Господ врз жртвеникот за сепаленици постојано – наутро и навечер, и за сѐ што е пишано во законот на Господ, што Тој му го даде на Израел;

41и со нив Еман и Једутун и другите избраници, кои беа именувани посебно, за да Го слават Господа, зашто милоста Негова е вечна.

422 Лет 7,6Со нив Еман и Једутун да Го слават Бога, свирејќи со труби и кимвали и со разни свирки; а синовите Једутунови ги постави кај вратата.

432 Сам 6,19-20Потоа се разотиде сиот народ, секој во домот свој; си отиде и Давид, за да го благослови својот дом.