Псалми 72 - Свето Писмо: Стандардна Библи?а 2006 (66 книги)（MK2006）

ПСАЛМ 72Похвала за големиот Цар и Неговото владеење

1 89,14; Ер 23,5 Боже, дај му го на царот Својот пра­веден суд, а на царевиот син – Својата праведност,

2за да им суди со праведност на Твои­те луѓе и на сиромасите Твои со праведен суд.

3Ис 45,8; 52,5; 55,11; Соф 2,3Горите нека им донесат мир на луѓето, и ритчињата – праведност.

4Нека ги брани бедните меѓу луѓето, нека ги спаси синовите на сиромасите, а угнетувачот нека го понизи.

561,7; 89,37; 2 Сам 7,13-14; Ер 31,35; 33,20Нека живее, додека постои сонцето и месечината – од род во род.

6Ис 45,8; Ос 6,3Нека биде како дожд на ливада, како капки што наросуваат земја.

737,11Во Негово време нека се зацари правда, и нека има изобилен мир сѐ до­дека не ја снема месечината.

8Зах 9,10И нека владее од море до море и од Реката до краиштата на Земјата.

9Пред Него нека паднат на колена жителите на пустината, и непријатели­те Негови нека ја лижат прашината;

101 Цар 10,1царевите на Тарсис и островјаните дарови нека му принесуваат; и царевите на Сава и Сева дарови нека му донесуваат.

11И нека Му се поклонуваат сите цареви; нека Му служат сите народи;

12Јов 29,12зашто Тој избави беден кога вика и сиромав и беспомошен.

13Ќе го поштеди бедниот и сиромавиот и ќе го спаси животот на сиро­масите;

14116,15од угнетувања и насилства ќе ги избави душите нивни, бидејќи е скапо­цена нивната крв пред очите Негови.

15Нека поживее, па ќе Му даваат арабиско злато; и нека Му се молат непрес­тајно, секој ден нека Го благословуваат;

16Ос 14,6-9; Амос 9,13Нека има на земјата жито во изобилство, до врвовите на горите; плодот Негов ќе се издига над Ливан, а во градовите луѓето нека се размножуваат како тревата по земјата,

171 Мојс 12,3Неговото име нека биде вечно: нека Му трае славата сѐ додека постои Сон­цето; и во Него нека бидат благосло­вени сите земни племиња, а и сите на­роди нека Го сметаат за блажен.

18Нека е благословен Господ Бог, Бог Израелов, Кој единствен прави чудеса;

19Авак 3,3и нека е благословено Неговото славно име довека, и со славата Негова нека се исполни целата Земја! Амин и амин!

20Завршија молитвите на Давид, Је­сеевиот син.