Броеви 13 - Свето Писмо: Стандардна Библи?а 2006 (66 книги)（MK2006）

1И му рече Господ на Мојсеј, велејќи:

23 Мојс 14,34; Ис.Н. 1,3„Испрати од себе луѓе да ја разгледаат хананската земја што Јас им ја давам на синовите израелски во владение: по еден човек од секое колено на предците нивни испратете – првенците меѓу нив!“

3Тогаш Мојсеј ги испрати од пустината Фаран, по заповед Господова, и тие сите беа мажи, старешини на синовите израелски.

4Еве ги имињата нивни: од Рувимово­то колено – Шамуа, Закуровиот син;

5од Симеоновото – Сафат, Хориевиот син;

6од Јудиното колено – Халев, Јефу­неовиот син;

7од Исахаровото колено – Јигал, Јоси­фовиот син;

8од Ефремовото колено – Осија, На­ви­новиот син;

9од Венијаминовото – Палтиј, Ра­фуовиот син;

10од Завулоновото колено – Гадиел, Содиевиот син;

11од Јосифовото колено на синовите Манасиини – Гадиј, Сусиевиот син;

12од Дановото колено – Амиел, синот на Гемалиј;

13од Асировото колено – Сетур, Михаиловиот син;

14од Нефталимовото колено – Нахбиј, Вафсиевиот син;

15од Гадовото колено – Геуел, Махиевиот син.

165 Мојс 32,44; Ис.Н. 1,1-5Тоа се имињата на мажите што ги испрати Мојсеј да ја разгледаат земјата. И го нарече Мојсеј Осија, Навиновиот син, Исус.

171 Мојс 12,9; Ис.Н. 14,7Ги испрати Мојсеј да ја разгледаат хананската земја и им рече: „Одете во онаа пустина и качете се на планината,

18и погледајте ја земјата каква е, и народот што живее таму: силен ли е или е слаб, малуброен ли е или е многуброен;

19и каква е земјата, каде што живее тој, добра ли е или лоша; и какви се градовите, во кои живее, – оградени ли се или не.

20Каква е земјата, плодна ли е или не, има ли на неа дрвја или нема? Бидете храбри, па земете од плодовите на земјата.“ А тоа беше во времето кога зрее грозјето.

21Ис.Н. 15,1; 1 Лет 13,5Тие отидоа и ја разгледаа земјата од пустината Син дури до Рехов, близу до Емат;

221 Мојс 13,18; 23,19; Ис.Н. 15,14; Суд 1,10; Ез 30,14и одејќи по пустината, тие стигнаа до Хеврон, каде што живееја Ахиман, Шешај и Талмај, од родот на Анак; а Хеврон беше изграден седум години порано од египетскиот град Цоан;

231 Мојс 3,7; 2 Мојс 28,33; 5 Мојс 1,24-25; 8,8; 2 Цар 18,31и дојдоа до долината Ешкол, и таму пресекоа прачка со еден грозд, и обајца ја понесоа на стап; зедоа и калинки и смокви;

24тие го нарекоа тоа место Лозова долина (долина Ешкол), поради гроздот што го пресекоа таму синовите израелски.

Одговорот на Мојсеевите извидници

25И откако ја разгледаа земјата, се вратија по четириесет дена.

261 Мојс 14,6.7И кога пристигнаа и дојдоа кај Мојсеј и Арон и кај целото општество на синовите израелски во пустината Фаран, во Кадис, тие му донесоа таму и на целиот народ одговор, и им ги покажаа плодовите од онаа земја;

272 Мојс 3,8; Ер 2,7и му раскажаа и рекоа: „Бевме во земјата, во која нѐ испрати; во неа на­вистина тече мед и млеко, и еве ги плодовите нејзини;

28Ис.Н. 14,2-5но народот, кој живее во таа земја, е силен, и градовите се укрепени и многу големи; таму ги видовме и по­томците на родот Анаков.

29Амалик живее во јужниот дел на земјата, а Хитијците, Јевусијците и Аморејците живеат по планината; Ха­нан­ците, пак, живеат крај морето и по брегот на Јордан.“

301 Мојс 10,15; 14,7; 2 Мојс 3,17; 1 Цар 9,20Но Халев го успокојуваше народот пред Мојсеј, велејќи: „Да појдеме и да ја преземеме, зашто можеме да ја покориме!“

31А оние што беа оделе заедно со него, рекоа: „Не можеме да одиме против тој народ, зашто е посилен од нас.“

325 Мојс 1,28; Ез 36,13; Амос 2,9И протурија ужасни гласови меѓу синовите израелски за земјата што ја беа разгледале и велеа: „Земјата што ја изодивме, за да ја разгледаме, е земја, која ги голта своите жители, и сите што ги видовме на неа, се многу поголеми.

331 Мојс 6,4; 5 Мојс 1,28; Ис.Н. 11,22; 14,12; Ис 40,22; Проп 12,5И таму видовме огромни луѓе од потомците на родот Анаков; ние изгледавме пред нив како скакулци; такви бевме и во нивните очи.“