1 Самоилова 13 - Свето Писмо: Стандардна Библи?а 2006 (66 книги)（MK2006）

Гневот против Филистејците. Гревот на Саул

1 .

210,26Саул си одбра три илјади Израелци: две илјади беа заедно со Саул во Михмас и во гората ветилска, и илјада беа со Јонатан во Гива Венијаминова: а останатиот народ тој го испрати во нив­ните шатори.

310,5; Суд 3,27; 6,34; 2 Сам 20,1Јонатан ја разби филистејската стража што беше во Гева; Филистејците слушнаа за тоа, а Саул затруби со труба по целата земја, викајќи: „Нека слуш­нат Евреите!“

427,12; 1 Мојс 34,30; 2 Мојс 5,21; 2 Сам 10,6; 16,21Кога сиот Израел слушна дека Саул ја разбил филистејската стража и дека Израел станал омразен за Филистеј­­ците, – народот се собра кај Саул во Гилгал.

5Ис.Н. 11,4; Суд 7,12; 2 Сам 17,11А Филистејците се собраа за војна против Израел: триесет илјади коли и шест илјади коњица, и мноштво народ, како песокот на морскиот брег; и дојдоа, та поставија логор во Михмас, на исток од Бет-Авен.

614,11; Суд 6,2Израелците, откако видоа дека се во опасност, бидејќи народот беше притеснет, се криеја во пештери и дупки, во камени места, во пукнатини и ровови;

7а некои од Евреите минаа од онаа страна на Јордан, во земјата Гадова и Галаадска; Саул, пак, беше уште во Гилгал, и сиот народ што беше со него, се беше уплашил.

810,8И тој чекаше седум дена до рокот, означен од Самоил, но Самоил не доаѓаше во Гилгал. И народот почна да се разбегува од него.

97,9И Саул рече: „Донесете го кај мене одреденото за сепаленици и за жртви за благодарност.“ И принесе жртва.

1015,13А штом заврши со принесувањето на жртвата, ете дојде Самоил, и Саул му излезе во пресрет да го поздрави.

11А Самоил запраша: „Што си напра­вил?“ Саул одговори: „Видов дека народот се разбега од мене, а ти не дојде во закажаното време. Филистејците пак се беа собрале во Михмас,

122 Мојс 32,11тогаш си помислив: ‚Сега ќе се спу­штат врз мене Филистејците во Гил­гал, а јас, пак, сѐ уште не сум Го прашал Господа, па затоа решив да принесам жртва.‘“

1315,11-12; 2 Сам 24,10; 2 Лет 16,9И Самоил му рече на Саул: „Лошо си постапил што не си ја исполнил заповедта на Господ, твојот Бог, која ти беше дадена, зашто денес Господ сака­ше да го зацврсти царувањето твое над Израел засекогаш.

1415,28; 2 Сам 6,21; 1 Цар 8,16; Ер 3,15А сега твоето царување не ќе може да опстане: Господ ќе си најде маж според срцето Свое и ќе го назначи за владетел над народот Негов, зашто ти не го исполни она што ти беше заповедал Господ.“

15И стана Самоил, та отиде од Гилгал во Гива Венијаминова; а Саул ги преброи луѓето што беа со него. Тие беа околу шестотини мажи.

16Саул со синот свој Јонатан и луѓето што се наоѓаа покрај нив, поставија логор во Гева Венијаминова, а Филис­тејците беа во логорот во Михмас.

1711,11И од филистејскиот логор излегоа три чети за да ја опустошуваат земјата: едната тргна по патот за Офра, во земјата Шуал,

18другата чета тргна по патот за Веторон, додека третата појде по патот кон границата на долината Цевоим, кон пустината.

19Суд 5,8; 2 Цар 24,14Во сета израелска земја немаше ковачи, бидејќи Филистејците се пла­шеа да не направат Евреите мечеви или копја.

20И сите Израелци требаше да одат кај Филистејците за да ги наострат своите рала, мотиките, секирите и ко­пачите,

21кога ќе отапеше сечилото на ралата, мотиките, вилите и секирите, или пак требаше да се наострат остените.

22Затоа во текот на војната немаше ниту меч, ниту копје во сиот народ што беше со Саул и Јонатан, а имаа само Саул и неговиот син Јонатан.

23И филистејската стража излезе во теснецот кај Михмас.