YONA 2 - Buku Lopatulika ndilo Mau a Mulungu

Pemphero la Yona ali m'mimba mwa chinsomba

1Pamenepo Yona anapemphera kwa Yehova Mulungu wake ali m'mimba mwa nsombayo.

2Mas. 120.1Ndipo anati,

Ndinaitana Yehova m'nsautso wanga,

ndipo anandiyankha ine;

ndinafuula ndili m'mimba ya manda,

ndipo munamva mau anga.

3 Mas. 42.7; 88.6 Pakuti munandiponya mwakuya m'kati mwa nyanja,

ndipo madzi anandizinga;

mafunde anu onse a nyondonyondo anandimiza.

4Ndipo ndinati, Ndatayika ndichoke pamaso panu;

koma ndidzapenyanso Kachisi wanu wopatulika.

5 Mas. 69.1 Madzi anandizinga mpaka moyo wanga,

madzi akuya anandizungulira,

kayandeyande wa m'nyanja anandikulunga mutu.

6 Mas. 16.10 Ndinatsikira kumatsinde a mapiri,

mipingiridzo ya dziko inanditsekereza kosatha;

koma munandikwezera moyo wanga

kuuchotsa kuchionongeko, Yehova Mulungu wanga.

7 Mas. 18.6 Pokomoka moyo wanga m'kati mwanga ndinakumbukira Yehova;

ndi pemphero langa linafikira Inu mu Kachisi wanu wopatulika.

8Iwo osamalira mabodza opanda pake

ataya chifundo chaochao.

9 Mas. 3.8; 116.17-18 Koma ine ndidzakupherani Inu nsembe ndi mau akuyamika,

ndidzakwaniritsa chowinda changa.

Chipulumutso ncha Yehova.

10Pamenepo Yehova analankhula ndi nsombayo, ndipo inamsanzira Yona kumtunda.