MASALIMO 85 - Buku Lopatulika ndilo Mau a Mulungu

Akumbutsa Mulungu madalitso akale, apempha awabwerezeKwa Mkulu wa Nyimbo: Salimo la ana a Kora.

1 Ezr. 1.11 Munachita zovomereza dziko lanu, Yehova;

munabweza ukapolo wa Yakobo.

2 Mas. 32.1 Munachotsa mphulupulu ya anthu anu,

munafotsera zolakwa zao zonse.

3Munabweza kuzaza kwanu konse;

munabwerera kumkwiyo wanu wotentha.

4Mutibweze, Mulungu wa chipulumutso chathu,

nimuletse udani wanu wa pa ife.

5 Mas. 74.1 Kodi mudzatikwiyira nthawi zonse?

Kodi mudzakhala chikwiyire mibadwomibadwo?

6 Hab. 3.2 Kodi simudzatipatsanso moyo,

kuti anthu anu akondwerere ndi Inu?

7Tionetseni chifundo chanu, Yehova,

tipatseni chipulumutso chanu.

8 Hab. 2.1; Zek. 9.10 Ndidzamva cholankhula Mulungu Yehova;

pakuti adzalankhula zamtendere ndi anthu ake,

ndi okondedwa ake;

koma asabwererenso kuchita zopusa.

9 Yes. 46.13 Indedi chipulumutso chake chili pafupi

ndi iwo akumuopa Iye;

kuti m'dziko mwathu mukhale ulemu.

10 Yes. 32.17 Chifundo ndi choonadi zakomanizana;

chilungamo ndi mtendere zapsompsonana.

11 Yes. 45.8 Choonadi chiphukira m'dziko;

ndi chilungamo chasuzumira chili m'mwamba.

12 Mas. 67.6 Inde Yehova adzapereka zokoma;

ndipo dziko lathu lidzapereka zipatso zake.

13 Mas. 89.14 Chilungamo chidzamtsogolera;

ndipo chidzamkonzera mapazi ake njira.