MASALIMO 64 - Buku Lopatulika ndilo Mau a Mulungu

Davide apempha Mulungu amtchinjirize pa omlaliraKwa Mkulu wa Nyimbo. Salimo la Davide.

1Imvani Mulungu, mau anga, m'kudandaula kwanga;

sungani moyo wanga angandiopse mdani.

2Ndibiseni pa upo wachinsinsi wa ochita zoipa;

pa phokoso la ochita zopanda pake.

3Amene anola lilime lao ngati lupanga,

napiringidza mivi yao, ndiyo mau akuwawitsa;

4kuponyera wangwiro mobisika:

Amponyera modzidzimutsa, osaopa.

5 Miy. 1.11 Alimbikitsana m'chinthu choipa;

apangana za kutchera misampha mobisika;

akuti, Adzaiona ndani?

6Afunafuna zosalungama; kusanthula, asanthuladi mpaka kutha;

chingakhale cha m'kati mwake mwa munthu, ndi mtima wozama.

7Koma Mulungu adzawaponyera muvi;

adzalaswa modzidzimutsa.

8 Miy. 18.7 Adzawakhumudwitsa, lilime lao lidzawatsutsa;

onse akuwaona adzawathawa.

9 Yer. 51.10 Ndipo anthu onse adzachita mantha;

nadzabukitsa chochita Mulungu,

nadzasamalira ntchito yake.

10 Mas. 32.11 Wolungama adzakondwera mwa Yehova,

nadzakhulupirira Iye;

ndipo oongoka mtima onse adzalemekeza.