MASALIMO 77 - Buku Lopatulika ndilo Mau a Mulungu

Achita nkhawa pokumbuka zochita Mulungu, koma alimbika mtima pokumbuka zina adazichita IyeKwa Mkulu wa Nyimbo: pa Yedutuni. Salimo la Asafu.

1Ndidzafuulira kwa Mulungu ndi mau anga;

kwa Mulungu ndi mau anga, ndipo adzanditcherezera khutu.

2 Mas. 50.15 Tsiku la nsautso yanga ndinafuna Ambuye.

Dzanja langa linatambalika usiku, losaleka;

mtima wanga unakana kutonthozedwa.

3Ndikumbukira Mulungu ndipo ndivutika;

ndilingalira ndipo mzimu wanga ukomoka.

4Mundikhalitsa maso;

ndigwidwa mtima wosanena kanthu.

5 Deut. 32.7 Ndinaganizira masiku akale,

zaka zakalekale.

6 Mas. 42.8; Mali. 3.40 Ndikumbukira nyimbo yanga usiku;

ndilingalira mumtima mwanga;

mzimu wanga unasanthula.

7 Mas. 74.1 Kodi Ambuye adzataya nthawi yonse?

Osabwerezanso kukondwera nafe.

8 Aro. 9.6 Chifundo chake chalekeka konsekonse kodi?

Lonjezano lake lidatha kodi ku mibadwo yonse?

9 Yes. 49.15 Kodi Mulungu waiwala kuchita chifundo?

Watsekereza kodi nsoni zokoma zake mumkwiyo?

10Ndipo ndinati, Chindiwawa ichi;

koma ndikumbukira zaka za dzanja lamanja la Wam'mwambamwamba.

11 Mas. 143.5 Ndidzakumbukira zimene adazichita Yehova;

inde, ndidzakumbukira zodabwitsa zanu zoyambira kale.

12Ndipo ndidzalingalira ntchito yanu yonse,

ndi kulingalirabe zimene munazichita Inu.

13Mulungu, m'malo opatulika muli njira yanu;

Mulungu wamkulu ndani monga Mulungu?

14Inu ndinu Mulungu wakuchita chodabwitsa;

munazindikiritsa mphamvu yanu mwa mitundu ya anthu.

15 Eks. 6.6 Munaombola anthu anu ndi mkono wanu,

ndiwo ana a Yakobo, ndi a Yosefe.

16 Eks. 14.21 Madziwo anakuonani Mulungu;

anakuonani madziwo; anachita mantha,

zozama zomwe zinanjenjemera.

17Makongwa anatsanula madzi;

thambo lidamvetsa liu lake;

mivi yanu yomwe inatulukira.

18Liu la bingu lanu linatengezanatengezana;

mphezi zinaunikira ponse pali anthu;

dziko lapansi linanjenjemera ndi kugwedezeka.

19 Hab. 3.15 Njira yanu inali m'nyanja,

koyenda Inu nkumadzi aakulu,

ndipo mapazi anu sanadziwike.

20 Eks. 13.21; Yes. 63.11-12 Munatsogolera anthu anu ngati gulu la nkhosa,

ndi dzanja la Mose ndi Aroni.