MASALIMO 51 - Buku Lopatulika ndilo Mau a Mulungu

Davide avomereza kuchimwa kwake, apempha Mulungu amkhululukire, asamchotsere Mzimu WoyeraKwa Mkulu wa Nyimbo. Salimo la Davide; m'mene anamdzera Natani mneneriyo atalowa iye kwa Bateseba.

1 Yes. 43.25; 44.22; Akol. 2.14 Mundichitire ine chifundo, Mulungu,

monga mwa kukoma mtima kwanu;

monga mwa unyinji wa nsoni zanu zokoma

mufafanize machimo anga.

2 Yes. 1.16; 1Yoh. 1.7, 9 Mubwereze kunditsuka mphulupulu yanga,

ndipo mundiyeretse kundichotsera choipa changa.

3 Mas. 32.5 Chifukwa ndazindikira machimo anga;

ndipo choipa changa chili pamaso panga chikhalire.

4 Gen. 39.9; 2Sam. 12.13; Aro. 3.4 Pa Inu, Inu nokha, ndinachimwa,

ndipo ndinachichita choipacho pamaso panu;

kuti mukhale wolungama pakulankhula Inu,

mukhalenso woyera pa kuweruza kwanu.

5 Yob. 14.4; Aro. 5.12 Onani, ndinabadwa m'mphulupulu,

ndipo mai wanga anandilandira m'zoipa.

6 Yob. 38.36 Onani, Inu mukondwera ndi zoonadi m'malo a m'katimo;

ndipo m'malo a m'tseri mudzandidziwitsa nzeru.

7 Num. 19.18; Yes. 1.18 Mundiyeretse ndi hisope ndipo ndidzayera;

munditsuke ndipo ndidzakhala wa mbuu woposa matalala.

8Mundimvetse chimwemwe ndi kusekera,

kuti mafupawo munawathyola akondwere.

9 Yer. 16.17 Muzibisire nkhope yanu zolakwa zanga,

ndipo mufafanize mphulupulu zanga zonse.

10 Ezk. 11.19; 36.25-26; Aef. 4.23-24 Mundilengere mtima woyera, Mulungu;

mukonze mzimu wokhazikika m'kati mwanga.

11 Aro. 8.9; Aef. 4.30 Musanditaye kundichotsa pamaso panu;

musandichotsere Mzimu wanu Woyera.

12 2Ako. 3.17 Mundibwezere chimwemwe cha chipulumutso chanu;

ndipo mzimu wakulola undigwirizize.

13Pomwepo ndidzalangiza ochimwa njira zanu;

ndipo olakwa adzabwera kwa Inu.

14 2Sam. 11.15, 17; 12.9 Mundilanditse kumlandu wa mwazi, Mulungu,

ndinu Mulungu wa chipulumutso changa;

lilime langa lidzakweza nyimbo ya chilungamo chanu.

15Ambuye, tsegulani pa milomo yanga;

ndipo pakamwa panga padzalalikira ulemekezo wanu.

16 Mas. 50.8 Pakuti simukondwera ndi nsembe, mwenzi nditapereka;

nsembe yopsereza simuikonda.

17 Mas. 34.18; Yes. 57.15 Nsembe za Mulungu ndizo mzimu wosweka;

Inu, Mulungu, simudzaupeputsa mtima wosweka ndi wolapa.

18Chitirani Ziyoni chokoma monga mwa kukondwera kwanu;

mumange malinga a miyala a Yerusalemu.

19 Mala. 3.3 Pamenepo mudzakondwera nazo nsembe zachilungamo,

ndi nsembe yopsereza ndi yopsereza yathunthu;

pamenepo adzapereka

ng'ombe paguwa lanu la nsembe.