MASALIMO 93 - Buku Lopatulika ndilo Mau a Mulungu

Ufumu wa Mulungu ndiwo wa ulemerero, mphamvu, ndi chiyero

1 Mas. 147.1 Yehova achita ufumu; wadziveka ndi ukulu;

wadziveka Yehova, wadzimangirira mphamvu m'chuuno;

dziko lomwe lokhalamo anthu likhakizika, silidzagwedezeka.

2 Mas. 45.6 Mpando wachifumu wanu ukhazikika kuyambira kale lija;

Inu ndinu wosayambira ndi kale lomwe.

3Mitsinje ikweza, Yehova,

mitsinje ikweza mkokomo wao;

mitsinje ikweza mafunde ao.

4 Mas. 65.7; 89.9 Yehova Wam'mwamba ndiye wamphamvu,

wakuposa mkokomo wa madzi ambiri,

ndi mafunde olimba a nyanja.

5Mboni zanu zivomerezeka ndithu;

chiyero chiyenera nyumba yanu,

Yehova, kunthawi za muyaya.