MASALIMO 82 - Buku Lopatulika ndilo Mau a Mulungu

Oweruza aweruza bwinoSalimo la Asafu.

1Mulungu aima mu msonkhano wa Mulungu,

aweruza pakati pa milungu.

2 Deut. 1.17; Miy. 18.5 Mudzaweruza mosalunjika kufikira liti,

ndi kusamalira nkhope ya oipa?

3 Yer. 22.3 Weruzani osauka ndi amasiye;

weruzani molungama ozunzika ndi osowa.

4Pulumutsani osauka ndi aumphawi;

alanditseni m'dzanja la oipa.

5 Mik. 3.1-2 Sadziwa, ndipo sazindikira;

amayendayenda mumdima;

maziko onse a dziko lapansi agwedezeka.

6 Yoh. 10.34 Ndinati Ine, Inu ndinu milungu,

ndi ana a Wam'mwambamwamba nonsenu.

7Komatu mudzafa monga anthu,

ndipo mudzagwa monga wina wa akulu.

8 Mas. 2.8 Ukani, Mulungu, weruzani dziko lapansi;

pakuti Inu mudzalandira amitundu onse.